Isa rin sa mga hindi mo dapat palampasin na mapuntahan ay ang Kuala Lumpur Tower o KL Tower. Matatagpuan sa Kuala Lumpur, Malaysia, ang KL Tower ay isang telecommunications tower, Islamic Lunar observatory, adventure tourism at cultural spot ng bansang Malaysia.
Inumpisahang itayo ang KL Tower noong October 1, 1991 at naging bukas sa publiko noong July 23, 1996.Ginagamit itong Islamic Falak Observatory ng mga kapatid nating muslim sa Malaysia para obserbahan ang buwan sa tuwing maguumpisa ang muslim month of Ramadan, Syawal, at Zulhijjah, pati na ang pagdiriwang ng fasting month of Ramadhan, Hari Raya Aidilfitri at Aidiladha.
Sa taas nitong 1,381 feet o 421 meters ito ay itinuturing na 7th Tallest Telecommunication Towers sa buong mundo (sumunod sa Tokyo Skytree ng Japan, Canton Tower ng China, CN Tower ng Canada, Ostankino Tower ng Russia, Oriental Pearl Tower ng China, at Milad Tower ng Iran).
Ang KL Tower ang isa sa mga symbolic tower sa loob ng Kuala Lumpur at kadalasang ginaganap dito ang taunang karera kung saan ang mga kalahok ay naguunahan sa pagakyat sa 2,058 steps na hagdan ng mataas na tower na ito. Ito rin ang pinaka-unang Pit Stop na ginamit sa sikat na Amazing Race Asia.
Pagdating mo sa taas ay bubungad sa ‘yo ang lobby na nagsisilbing entrance patungo sa mas magaganda pang parte ng tower. Sa structure pa lang nito ay talaga namang magagandahan ka sa pagkakagawa nito lalo na ang kanyang interior design na aakalain mong ikaw ay nasa loob ng isang malaking mall.
Pagtingin mo naman sa labas ay halos tanaw mo na ang kabuuan ng Kuala Lumpur sa paligid pati na ang mga kasabayan nitong nagtataasang mga gusali sa paligid. Ang tower na ito ang pinakamataas sa buong Kuala Lumpur kaya naman halos malulula ka habang tinatanaw mo ang kapaligiran sa labas.
Sa loob naman nito ay maraming mga stores na nagbebenta ng kung anu-ano tulad na lang nitong nakita kong old coins collection ng isa sa mga tindahan sa loob ng KL Tower. Makikita mo sa kuha kong litrato na ito ang mga old coins ng iba’t ibang bansa tulad na lang sa atin sa Pinas.
Maraming turista ang pumupunta sa tower na ito at dinarayo pa ng ilang mga lokal galing pa sa mas malalayong lugar sa labas ng Kuala Lumpur. Kaya naman hindi mo dapat palampasin na mapasyalan ang lugar na ito dahil siguradong marami kang magagandang makikita sa loob ng KL Tower.
Ito naman ang entrance patungo sa loob at papaakyat sa mas magandang parte ng KL Tower tulad ng Sky Deck at Observation Deck na ilalad ko sa mga susunod na post kaya dapat mo talagang abangan ang mga posts ko sa parteng ito ng KL Tower.
Ito ang ikaanim na parte ng paglalakbay namin dito sa bansang Malaysia at ito ang unang bahagi dito sa loob ng KL Tower. Isa ang KL Tower sa mga pinakamagandang mapuntahan ninyo kung sakaling magbabakasyon kayo sa bansang ito. Dapat mong isama ito sa iyong travel bucket list kung sakali mang may pagkakataon na makarating ka dito.
Sana’y naibigan ninyo ang inyong mga nakita at abangan n’yo pa ang iba pang bahagi ng pamamasyal namin dito sa loob ng KL Tower dahil mas marami pang dapat na abangan na magagandang parte sa loob ng tower na ito.
Isa pa sa magandang puntahan din dito sa bansang Malaysia ay ang tinatawag na KL Forest Eco Park. Dating kilala sa pangalan bilang Bukit Nanas Forest Reserve, ito ang isa sa mga pinakaluma at reserbang kagubatan sa bansang Malaysia.
Itinatag noon pang taong 1906 at sa lawak nitong approximately 11,000 square meters, ito na lang ang natatangi at natitirang tropical rainforest sa kalagitnaan ng syudad na Kuala Lumpur.
Sa entrance pa lang ay masisilayan mo na ang iba’t ibang klase ng mga puno, halaman, damo at mga kawayan na bumubuo sa kabuuan ng paligid ng park na ito at kay gandang pagmasdan ang kapaligiran lalo na’t alam mong sariwang hangin ang dulot nito.
May mga nakatagong CCTV camera naman sa paligid nito para sa seguridad at kapakanan ng mga turistang bumibisita dito at magiging aware ka sa mga ito dahil sa may malaking karatulang nagsasabi na meron ngang ganun sa paligid nito.
Napaka-sarap maglibot sa loob ng eco park na ito dahil na rin sa maaliwalas ang paligid at para ka lang namumuhay noong unang panahon sa isang kagubatan na ang paligid ay puro puno at halaman kasama ng malinis na hangin na malayo sa ingay at polusyon sa syudad.
Napreserved pa nila ang kabuuan ng forest na ito na talaga namang hindi mo palalampasin na mapuntahan dahil na rin sa kanyang angking ganda at linis. Kaya naman madalas itong kasama sa mga bucket list ng mga turistang pumunta dito sa bansang Malaysia.
Sa paglilibot mo sa loob nito ay makakakita ka ng ilang mga unggoy na namumuhay sa ibabaw ng mga puno na kanilang natural habitat sa loob ng forest na ito.
Katapat lang nito matatagpuan ang isang walk way gallery na tinawag nilang The Heart of Borneo kung saan ipinapakita ang Malaysia noong unang panahon kasama ang kanilang mga kultura at pamumuhay.
Libre lang ang pagbisita at pamamasyal dito sa KL Forest Eco Park at and isa sa pinaka-panghatak nila ng mga turista dito ay ang mga Canopy Walk. Ito ay isang wood at steel aerial bridge na may taas na 200 meters kung saan pwede kang maglibot gamit ang walk way bridge na ito.
Sa bawat dulo ng mga walk way bridge na ito ay mararating mo ang mga bridge towers sa itaas na nag-aalok ng mga nakamamanghang tanawin ng Menara KL Tower, at ang skyline ng lungsod na Kuala Lumpur.
Mula din dito ay tanaw mo na ang napakatayod na Menara KL Tower at kay gandang maging isang background view mula sa ibaba at habang nasa loob ng forest na ito. Kaya hindi mo talaga dapat palampasin na pumasyal dito habang ikaw ay nandito sa Malaysia lalo na sa lungsod ng Kuala Lumpur.
Ito ang ika-limang parte ng aming paglilibot dito sa bansang Malaysia at isa ito sa pinaka-maaliwalas, tahimik at magandang lugar na aming napuntahan sa bansang ito. Kaya kung kayo ay pupunta sa bansang ito ay ‘wag ninyong kalimutang isama ang lugar na ito sa inyong travel list dahil hindi kayo manghihinayang na napuntahan at napasyalan ninyo ang lugar na ito.
Nawa’y naibigan ninyo ang mga nakita ninyo sa lugar na ito at abangan ninyo ang marami pang lugar na aming napuntahan dito sa bansang Malaysia. Magandang gawin ang pagtravel sa mga ganitong lugar upang mapahinga ang utak natin sa mga stress ng buhay at ma-refresh tayo lalo na ang ating katawan at isipan ng sa gayon ay humaba pa ang ating buhay at magawa ang ganitong travel habang tayo ay malakas pa.
Isa pa sa magandang puntahan sa Malaysia ay ang “UpsideDown House” bilang isang side tour o yung tipong dadaanan mo lang s’ya dahil kalapit lang s’ya ng pupuntahan ninyong lugar. Nakakatuwa din ang spot na ito dahil lahat halos ng makikita mo nakabaliktad.
Isa ito sa mga pinakabagong atraksyon o pasyalan na matatagpuan sa Menara, Kuala Lumpur, Malaysia. Ito ay itinayo noon lang taong 2016 at gamit ang konsepto ng “Cottage House” na may isang antigong sasakyan na “Morris 1974” na nakabitin ng pabaliktad sa kanyang pasukan.
Nagbibigay ito ng isang bagong karanasan kung saan hindi lamang ang bahay, ngunit ang lahat ng mga kasangkapan sa loob ng bahay na ito ay baligtad. Narito ang isang leaflet na binigay sa amin na magpapakita kung anong araw at oras sila bukas sa publiko para pasyalan.
Hindi na namin nagawang pasukin ang loob ng UpsideDown House na ito dahil sa kakulangan ng oras at dahil hindi naman talaga ito ang aming talagang pupuntahan kaya dinaanan na rin namin ito dahil malapit lang naman sa aming pupuntahan talaga.
Sa labas pa lang kasi ay matutuwa ka na sa iyong makikita dahil na rin sa kakaibang pakulo ng mga nakaisip nito para gawing baliktad ang lahat sa labas man o sa loob ng bahay at pati mismo ang nasabing bahay na ito.
Kaya naman kahit dumaan ka lang dito ay okay na at magpakuha ng pictures para maging isang souvenir at marahil sa susunod na pagbalik dito ay papasok na kami sa loob para mamalas din ang kakaibang feeling na nasa loob ng isang baliktad na bahay at kasangkapan.
Talaga namang hindi mo palalampasin na madaanan ang lugar na ito dahil na rin sa makukulay na itsura ng baliktad na bahay na ito na kahit sa malayo ay kay gandang maging background sa mga litratong iyong makukuha.
Ang dalawang palapag na bahay na ito ay may taas na 6.1 meters at ang kabuuang lugar na nasasakupan nito ay nasa 2,000 square feet. Tumagal ng tatlong buwan upang makumpleto ang scenery na ito.
Ayon kay Datuk Anuar A. Rahman na isang marketing manager ng The Star sa Malaysia, ang pang-araw-araw na bilang ng mga bumibisita sa UpsideDown House na ito ay umaabot sa higit na 400 katao na binubuo ng kapwa domestic at dayuhang turista.
Kahit sa labas ka lang ay matatanaw mo na lalo na iyong nakabaliktad na bisikleta sa entrance ng isang nakabaliktad na bahay na mapapaisip ka kung paano ka papasok sa loob ng bahay na ito dahil ang entrance ay nakabaliktad din.
Kaya naman inaalalayan ko ang sasakyang ito na isang Morris 1974 at baka bumagsak sa kanyang pakaka-park ng pabaliktad na animo ako’y isang superhero na kayang saluhin ang ganito kabigat na sasakyan. Nakakatuwa dahil kahit hindi mo na pasukin ang loob at sa labas pa lang ay bibigyan ka na ng kakaibang feeling na magiiwan ng ilang katanungan sa iyong isipan kung paano kaya mamuhay ng pabaliktad.
Ito ang ikaapat na parte ng aming paglilibot dito sa bansang Malaysia at isa ang UpsideDown House na mairerekomenda kong magandang puntahan at hindi dapat palampasin na madaanan o isama sa inyong bucket travel list habang nandito sa Kuala Lumpur.
Sana’y naibigan ninyo ang inyong mga makita at nagbigay idea sa inyo kung anong lugar dito sa Malaysia ang pwede ninyong puntahan at pasyalan na talaga naman magbibigay kasiyahan sa inyong pamamasyal.
Isa sa pinakasikat na pasyalan at isa sa famous landmark ng Malaysia ay ang Petronas Twin Towers na matatagpuan sa capital city na Kuala Lumpur. Ito ang tallest buildings in the world mula noong taong 1998 to 2004 hanggang malampasan ng Taipei 101.
Ito ay dinisenyo ng isang Argentinian architect na si César Pelli na sinimulang itayo noong March 1, 1993 at una itong binuksan sa publiko ng Prime Minister ng Malaysia na si Tun Dr. Mahathir bin Mohamad noong August 1, 1999.
Sa entrance pa lang ng building na ito ay mapapahanga ka na sa ganda ng kanyang architectural design na pinaganda pa ng Malaysian flags sa magkabilang gilid nito.
Sa loob naman nito ay mayroong masarap kainan na madalas naming kainan noong kami ay nasa bansang Qatar pa at ito ang Nando’s. Masarap kumain sa resto na ito dahil sa kanilang mga original spices and recipes na talaga namang babalik-balikan mo lalo na ang kanilang specialty na Espetada.
Sa taas nitong 451.9 meters o 1,483 feet ay talagang manliliit ang mga taong nasa baba nito pero kay gandang pagmasdan ang twin towers na ito mula sa ibaba kaya naman marami ang sa lugar na ito ay nagpapakuha ng kanya-kanyang mga selfie pictures.
Napakagandang pagmasdan ang skyscaper na ito mula sa ibaba na halos parang ikaw ay napapagitnaan ng dalawang malahiganteng robot na pinakikinang at pinatitingkad ng liwanag buhat sa mga ilaw nito.
Kaya naman kay sarap magpakuha ng litrato habang ikaw ay nasa ibaba nito at ang anggulo ay kay gandang pagmasdan mula sa ibaba na pinatitingkad pa ng mga liwanag ng twin towers na ito.
Narito rin sa area ng Suria KLCC, Petronas Twin Towers ang Petrosains Discovery Center na isang Malaysian science and technology museum na itinatag noon pang March 25, 1995.
Sa di kalayuan naman ay matatanaw ang main building ng Public Bank na sa malayo pa lang ay mamamangha ka na sa aking ganda ng kanyang disenyo na lalo pang pinagaganda ng kanyang magarang kulay at pinaliliwanag ng maraming ilaw.
Sobrang ganda tingnan sa background ang Petronas Twin Towers na ito kaya naman ang karamihan ng nagpupunta dito ay hindi palalampasin ang pagkuha ng pictures sa iba’t ibang anggulo ng skyscraper na ito.
Kaya naman hindi mo dapat palampasin na magkaroon ng sarili mong selfie picture sa iconic structure na ito dito sa bansang Malaysia. Kaya naman ang Petronas Twin Towers ay isa sa mga talagang pinupuntahan ng mga tao mapa-turista man o lokal.
Kaya naman kung pupunta ka dito ay asahan mo na ang maraming tao mapa-umaga man o gabi dahil sa ganda ng lugar na ito lalo na ang Petronas Twin Towers. Mas maganda rin s’ya kung magpupunta ka dito sa gabi dahil nga sa makukulay na liwanag ng mga pailaw maging sa baba o sa kabuuan ng skyscaper na ito.
Ito ang ikatlong parte ng aming paglilibot dito sa bansang Malaysia at isa ito sa napakagandang puntahan na hindi dapat mawala sa iyong bucket list kung ikaw ay mapapasyal sa bansang ito.
Nawa’y naibigan ninyo ang mga pictures namin dito sa Petronas Twin Towers at sana’y nakapagbigay ito ng ilang kaalaman patungkol sa isa sa mga magandang pasyalan lalo na dito sa Kuala Lumpur, Malaysia.
Isa pa ang Merdeka Square sa mga magagandang lugar na di mo dapat palampasin na mapuntahan kapag ikaw ay mamamasyal dito sa bansang Malaysia. Isa ito sa mga sikat na tourist destination na dinarayo ng maraming tao mapa-turista man o lokal sa bansang ito.
Late na kami nagpunta dito dahil pinahupa muna namin ang maraming taong pumapasyal sa lugar na ito para hindi masyadong crowded at makapamasyal kami ng maayos at magkaroon ng magaganda souvenir photos na di karamihan ang tao sa paligid.
Isa sa mga pinakamatandang lugar na matatagpuan sa Kuala Lumpur, Malaysia ang Merdeka Square na kilala din bilang Independence Square dahil sa lugar na ito kauna-unahang itinaas ang bandila ng Malaysia noong August 31, 1957 para sa kanilang kalayaan.
Napakaganda ng paligid ng Merdeka Square dahil anumang anggulo ay mayroong mga tourist spot na makikita sa paligid nito at dito rin sa lugar na ito ginaganap ang taunang Merdeka Parade o yung tinatawag nilang National Day Parade.
May mga designated area din para sa mga taxi at bus kung ikaw naman ay pauwi na at magaabang ng masasakyan tulad na lang nitong parte ng area na ito ng Merdeka Square.
Maraming mga historical buildings ang makikita sa palibot ng Merdeka Square na talaga namang nagpapamalas ng angking ganda sa kanilang mga architectural designs at ang karamihan sa mga ito ay naitayo pa noong mga unang panahon.
Isa na dito ang kilala at sikat na Sultan Abdul Samad Building na nasa aking likuran sa picture na ito. Isa itong late century building na nasa harap lang mismo ng Merdeka Square na ginawang bahay opisina ng mga British colonial administration. Una itong itinayo noon pang September 1894 at nakumpleto noong taong 1897.
Ipinangalan ito sa Sultan ng Selangor na si Sultan Abdul Samad na namuno noong taong 1974. Na-preserved nila ito ng maayos at makikita naman sa angking ganda nito sa kabuuan na pinatitingkad at pinaliliwanag ng kanyang mga ilaw. Ngayon nga ay ginawa na itong opisina ng kanilang Ministry of Information, Communication at Culture of Malaysia.
Sa lawak at haba ng Sultan Abdul Samad Building na humigit isang hektarya ay sakop na nito ang makabilang dulo ng dalawang malaking road intersections. Orihinal na dinisenyo ito ni A.C. Norman at kanyang assistant na si R.A.J. Bidwell at hango sa istilo na isang Classical Renaissance.
Hindi maipagkakailang isa ito sa pinaka-main attaction dito sa Merdeka Square na sa kabila ng kanyang kalumaan ay nagawa nilang ma-preserve ang kanyang disenyo at angking ganda kaya naman hindi mo talaga palalampasin na magkaroon ng picture kasama ang isa sa mga oldest building sa Malaysia.
Isa pa sa mga dahilan kung bakit magandang mapuntahan ang Merdeka Square ay dahil dito nakalagak ang Kuala Lumpur City Gallery. Katabi lang at sa kanan mismo ng Merdeka Square at sa labas lang ng Kuala Lumpur City Gallery ay makikita ang iconic structure na I ♥ KL kung saan napakaraming tao ang nagpapakuha ng kani-kanilang mga selfie pictures.
Wala ng masyadong tao ng mga oras na iyon kaya hindi masyadong crowded sa palilibot namin dito sa Merdeka Square pati na dito sa Kuala Lumpur City Gallery kaya nagagawa naming magpa-picture ng walang nagaantay sa paligid na gusto ring mapa-picture sa iconic structure na ito.
Ito ang ikalawang parte ng aming paglilibot dito sa bansang Malaysia at isa ito sa mga hindi mo dapat palampasin na mapuntahan kung ikaw ay mapupunta sa bansang ito. Abangan n’yo pa sa mga susunod na mga posts ko ang ilan pa sa mga lugar na napuntahan namin sa aming tour dito sa bansang Malaysia.
Nawa’y naibigan ninyo ang parteng ito ng aming pamamasyal at magsilbing gabay sana ito para makita ninyo base sa aming paglilibot kung anu-anong mga lugar ang magandang puntahan sa Malaysia. Muli maraming salamat sa pagdaan ninyo dito sa aking blog site.
Isa pa sa mga napuntahan ko ng bansa na malapit lang din sa Pinas ay ang Malaysia. Tatlong oras lang mula sa Pinas by plane ay mararating mo na ang Malaysia at dito nga sa Batu Caves ang una sa mga lugar na aming pinuntahan.
Isa sa mga sikat na tourist attractions sa Malaysia ay ang Batu Caves. Gawa sa natural na limestones ang burol na ito ay maraming kweba sa taas at pinakaloob nito na matatagpuan sa lugar ng Gombak, Selangor, Malaysia.
Nakuha ang kanyang pangalan sa isang Sungai Batu na ang ibig sabihin ay Stone River kung saan ang river na ito ay dumadaloy din sa pagitan nito. Isa ito sa pinaka-popular na Hindu shrine sa labas ng bansang India at dedicated kay Lord Murugan.
Ayon sa history, humigit kumulang sa 400 million years old na ang limestone hill na ito at ang mga caves dito ay dating tirahan ng mga indigenous Temoun people noong unang panahon.
Kung mapapansin mo na napakaraming temple ang nasa paligid nito at mamaya maging sa loob ng mga caves sa itaas ng burol na ito ay marami ding temple ang makikita. Malaya ding nakakagala ang mga kalapati sa ibaba kasama ng maraming mga turista.
Matutuwa ka sa ganda ng mga architectural designs ng bawat temple na matatagpuan sa baba pa lang ng Batu Caves kaya naman maging sa baba nito ay marami ng tao ang kumukuha ng kani-kanilang mga pictures.
Sa entrance na paakyat sa itaas ng Batu Caves ay bubungad na sa ‘yo ang makulay at mala-kaharian na gate paakyat patungo sa mga kweba nito sa itaas.
Kaya pagpasok mo dito ay ihanda mo na ang sarili mo sa matarik na mga steps ng hagdanan patungo sa pinakataas na parte ng burol na ito. Kailangan lang mag-ingat dahil nga sa pagiging matarik nito na baka madulas ka ay siguradong sa baba na ang punta mo.
Kailangang akyatin ang matarik at humigit kumulang 272 steps ng hagdan nito para makarating sa pinakataas kaya dapat ay magdala ka na ng tubig dahil siguradong pagpapawisan at hihingalin ka sa pagakyat mo dito.
Mula sa gitna ay makikita mo sa ibaba ang iba’t ibang temple na iyong pinanggalingan kani-kanina lamang. Sobrang makukulay ang mga temple na ito na puno ng iba’t ibang mga Hindu statues.
Sa pag-akyat mo sa matarik na handan patungo sa taas ng Batu Caves ay marami kang makikitang unggoy sa paligid na nagaabang sa mga turista para sila ay bigyan ng kung anong makakain. Medyo kailangan mo lang mag-ingat dahil medyo may kakulitan ang ilan sa kanila at ang iba sa kanila kadalasan ay aagawin na lang basta ang sa tingin nila ay kanilang makakain.
Noong August 2018 ang 272 steps ng hagdan paakyat sa Batu Caves ay pininturahan ng mga extra ondinary colour scheme na kung saan ang bawat set ng mga steps ay may kanya-kayang kulay para mabigyan ng buhay at gumanda sa paningin ng mga turista habang sila ay papaakyat sa pinakataas ng burol na ito.
Kapag narating mo naman at natapos ang 272 steps ng hagdan ay sulit naman dahil pagtingin mo sa ibaba ay napakagandang pagmasdan ang higanteng statue ni Lord Murugan pati na ang kabuuan ng paligid nito sa baba.
Pagpasok mo naman sa loob ng cave ay bubungad pa rin sa ‘yo ang mga temple tulad na lang nitong Sri Idumban Temple kung saan ayon sa Hindu mythology si Idumban ay isang great devotee ni Lord Murugan.
Nasa sentro naman papasok ng cave makikita ang maliit na statue ni Lord Murugan para i-welcome ang mga turista bago pumasok sa main cave dito sa taas ng Batu Caves.
Kung wala ka namang dalang tubig o pagkain pag-akyat mo dito sa Batu Caves ay meron namang maliit na tindahan kung saan pwede kang bumili ng konting snack at tubig para mapawi ang uhaw at gutom mo sa pag-akyat dito at para na rin makapagpahinga bago pumasok sa loob ng mga kweba.
Sa bungad pa lang ng kweba ay makikita mo na ang nakamamanghang larawan nito sa kabuuan lalo na ang mga limestones formation sa loob ng paligid ng kwebang ito.
Pagpasok mo sa main cave ay bubungad din sa ‘yo ang Sri Velayuthar Temple. Ito ang pinaka-main temple sa loob ng Batu Caves. Kapansin-pansin ang isang statue na tulad ng isang sikat na uri ng manok sa atin sa Pinas, ang Sarimanok.
Kapansin-pansin din sa loob ng kwebang ito ang mataas na temple na ito na puno ng mga Hindu statues at sa makulay nitong istraktura ay talagang mapapahinto ka para magpakuha ng litrato kasama s’ya.
Sa di kalayuan ay makikita mo na ang isa pang makukulay na hagdan patungo naman sa mas mataas na iba pang parte ng Batu Caves at ang lagusan papunta sa iba pang mga kweba.
Makikita mo na paruot-parito ang mga turista sa loob ng Batu Caves at kanya-kanyang pwesto para makakuha ng kani-kanilang mga selfie pictures dahil bawat lugar ay may hindi matatawarang ganda.
Pagakyat mo naman sa susunod na parte ng kweba ay sasalubong sa ‘yo ang sinag ng araw mula sa itaas na nagmumula sa bukas na parte ng kweba. Kaygandang pagmasdan ang liwanag na ito na nagsisilbing ilaw at liwanag sa loob ng kweba.
Kay gandang pagmasdan ang kabuuan ng kweba mula sa pinakamataas na parte sa loob ng Batu Caves. Sobrang nakaka-amaze ang feeling kapag nakita mo na ikaw ay nasa loob ng napakalaki at napakalawak na kweba.
Dito rin sa loob ng kweba makikita mo ang iba’t ibang limestones formation na hinulma na ng panahon dahil na rin sa 400 million years nitong edad.
Marami ka rin makikitang statues sa paligid ng mga walls sa loob ng kweba kung saan ipinakikita ang mga sinaunang pangyayari patugkol sa kanilang mga kultura at relihiyon.
Paglabas mo ay muling sasalubong sa ‘yo ang kabuuan ng pinanggalingan mo sa ibaba mula sa itaas lalo na ang napakalaki at napakataas na statue ni Lord Murugan.
Kaya dapat ihanda mong muli ang iyong sarili sa pagbaba naman sa 272 total steps ng hagdan pababa dahil siguradong hingal at pagod ang muling sasalubong sa ‘yo. Pero dito ay mas kailangan mong maingat dahil na rin sa pagiging matarik ng hagdan na ito para na rin maiwasan ang anumang aksidente o disgrasya.
Ang 42.7 meters (140 ft) na taas ng statue ni Lord Murugan ay unang pinasinayaan noong January 2006 pagtapos ng mahigit tatlong taong pagtatayo nito. Ito ngayon ang pinakamataas na statue ni Lord Murugan sa buong mundo.
Ito ang unang parte ng aming tour dito sa bansang Malaysia at marami pa kaming lugar na pinuntahan sa bansang ito na dapat ninyong abangan sa mga susunod kong mga posts. Isa ito sa mga pinaka-magandang lugar na hindi mo dapat palampasin na mapasyalan kung sakali man na ikaw ay pupunta sa bansang Malaysia.
Sana’y naibigan ninyo ang mga nakita ninyong mga pictures at kwento ko patungkol sa aming unang libot dito sa bansang Malaysia. Sana’y maging guide ang mga post kong ito para makita ninyo kung anu-anong mga lugar ang magandang puntahan sa mga bansang akin nang napuntahan. Muli maraming salamat sa pagdaan dito sa aking blog site.
Narito naman ang ika-apat at huling yugto ng paglilibot namin dito sa loob ng Madame Tussauds Wax Museum sa bansang Singapore. Sa part na ito makikita ang mga sikat na TV personalities at Movie/Film Stars wax figures sa mundo ng Showbiz.
Oprah Winfrey (The Oprah Winfrey Show)
Si Oprah Gail Winfrey na ipinanganak noong January 29, 1954 sa Mississippi, USA, ay isang American media executive, actress, talk show host, television producer, at philanthropist. Kilala ng maraming tao sa buong mundo sa kanyang talk show na, The Oprah Winfrey Show, isang broadcast TV talk show sa Chicago, USA na isang highest-rated television program sa history na tumagal ng 25 years mula 1986 hanggang 2011.
Nabansagang “Queen of All Media”, si Oprah ang richest African-American ng 20th Century at itinuturing na most influential woman in the world. S’ya rin ang North America’s first black multi-billionaire at greatest black philanthropist sa history ng America.
Arnold Schwarzenegger (Terminator)
Si Arnold Alois Schwarzenegger na ipinanganak noong July 30, 1947 sa Thal, Allied-occupied Austria, ay isang Austrian-American actor, filmmaker, businessman, author at former professional bodybuilder at politician na nagsilbi bilang 38th Governor ng California mula 2003 hanggang 2011.
Bata pa lang ay nagumpisa na sa lifting weights at body building sa edad na 15 years old si Arnold at sa edad na 20 years old ay napanalunan na n’ya ang titulong Mr. Universe. Nanalo din s’ya sa Mr. Olympia contest ng pitong beses daan para kilalanin s’ya sa mundo ng body building bilang isa sa greatest body builders of all time.
Sumikat din s’ya at nakilala sa buong mundo na isang Hollywood action film icon dahil sa mga box-office hit na pelikula tulad ng Terminator at mga franchises nito. Una naman s’yang na-elect noong October 7, 2003 bilang Governor at nagpatuloy sa kanyang termino hanggang taong 2011.
Audrey Hepburn (Breakfast at Tiffany’s)
Si Audrey Hepburn o Audrey Kathleen Ruston sa totong buhay na ipinanganak noong May 4, 1929 sa Brussels, Belgium, ay isang Bristish actress at humanitarian. Nakilala bilang film at fashion icon, si Audrey ay kinilala bilang third-greatest female screen legend ng Golden Age Hollywood at napasama sa listahan ng International Best Dressed List Hall of Fame.
Sumikat si Audrey Hepburn ng manalo s’ya ng Oscar Award, Golden Globe Award at BAFTA Award for a single performance para sa comedy film na Roman Holiday noong 1953 at sa parehong taon ay napanalunan din n’ya ang Tony Awards para sa Best Lead Actress in a Play para sa pagganap n’ya sa Ondine.
Bruce Lee (Enter the Dragon)
Si Lee Jun-fan o mas kilala sa pangalang Bruce Lee na ipinanganak noong November 27, 1940 sa California, USA ay isang Hong Kong-American actor, director, martial artist, martial arts instructor, at philosopher. S’ya ang kinikilalang most influential martial artist of all time at isang pop culture icon ng 20th century.
Ang pilosopiya n’ya sa iba’t ibang combat discipline at tradisyonal na martial arts ang nagbigay daan upang makilala sa buong mundo ang modernong mixed martial art o MMA sa ngayon. Lumabas din s’ya sa ilang sikat na martial arts films tulad ng Fist of Fury (1972), Way of the Dragon (1972), Enter the Dragon (1973) at The Game of Death (1978).
Daniel Craig (James Bond)
Si Daniel Wroughton Craig naman na ipinanganak noong March 2, 1968 sa Cheshire, England ay isang English actor na nakilala bilang ika-anim na actor na gumanap bilang British Secret Agent 007 sa sikat na pelikulang James Bond at mga film series nito. Tumabo sa takilya ang lahat halos ng James Bond movies na pinagbidahan n’ya kung kaya’t s’ya ang nagkamit ng highest-grossing filmsa buong series ng film na ito.
Bukod sa mga James Bond movies ay lumabas din s’ya sa mga pelikula tulad ng fantasy film na The Golden Compass (2007), historical film na Defiance (2008) at marami pang iba kung saan nakakuha s’ya ng Golden Globe Award nomination para sa Best Actor ng Motion Picture na Musical or Comedy.
E.T. (Extra-Terrestrial)
Si E.T. naman ay isang character sa isang American science fiction film na ipinalabas noong June 11, 1982 at directed ng sikat na direktor na si Steven Spielberg. Isa itong movie tungkol sa pakikipagsapalaran ni E.T. dito sa earth.
Nabuo si E.T. sa konsepto at malikhaing kaisipan o imahinasyon ni Steven Spielberg pagkatapos na maghiwalay ang kanyang mga magulang noong 1960. Agad itong tumabo sa takilya at naging highest-grossing film of all time na record na kanyang hinawakang sa loob ng 11 years. Ang E.T. ay kinokonsidera bilang one of the greatest films of all time.
Jackie Chan (Drunken Master)
Si Chan Kong-sang o mas kilala sa pangalang Jackie Chan na ipinanganak noong April 7, 1954 ay isang Hong Kong martial artist, actor, film director, producer, stuntman, at singer. Nakilala s’ya sa mundo ng pelikula dahil sa kanyang mala-acrobatic fighting style, comic timing, use of improvised weapons, innovative at dangerous stunt-driven style of martial arts kung saan s’ya mismo ang gumagawa at hindi kumukuha ng ka-double.
Si Jacky Chan ang isa sa most recognisable at influential cinematic personalities sa buong mundo at nakatala ang kanyang pangalan sa sikat na Hollywood Walk of Fame. Isa rin s’yang philanthropist at pinangalanang one of the top 10 most charitable celebrities ng Forbes magazine.
Ilang sa mga sikat na movies na pinagbidahan ni Jackie Chan ay ang Snake in the Eagle’s Shadow (1978), Drunken Master (1978), Rumble in the Bronx (1995), Rush Hour (1998) at marami pang iba na naglagay sa kanya bilang second-highest paid actor in the world noong 2016 na kumita ng US$350 million dollars ayon sa Forbes magazine.
Johnny Depp (Pirates of the Caribbean)
Si John Christopher Depp II na mas kilala bilang Johnny Depp na ipinanganak noong June 9, 1963 ay isang American actor, producer at musician. Isa sa world’s biggest film star sa ngayon, si Johnny Depp ay na-nominate sa 10 Golden Globe Awards, 3 Academy Awards for Best Actor at isa dito ay nanalo s’ya bilang Best Actor sa pagganap n’ya sa pelikulang Sweeney Todd: The Demon Barber of Fleet Street noong 2008.
Mas lalo s’yang nakilala sa pagganap n’ya sa mga pelikulang Pirates of the Caribbean film series na tumabo sa takilya at kumita ng halos US$4.5 billion dollars. Nakalista din ang pangalan n’ya sa 2012 Guinness World Records bilang world’s highest paid actor. Tumugtog din s’ya ng gitara para sa sikat na bandang Oasis sa kantang Fade In-Out sa album nilang Be Here Now noong 1997.
Leonardo DiCaprio (Titanic)
Si Leonardo Wilhelm DiCaprio na ipinanganak noong November 11, 1974 sa California, USA ay isang American actor, producer at environmentalist na sumikat sa pelikulang Titanic noong 1997, ang highest-grossing film ng mga panahong iyon.
Nakuha ang pangalan n’ya kay Leonardo da Vinci ng minsang sumipa s’ya sa loob ng tyan ng kanyang buntis na ina habang ito ay nakatingin sa mga paintings ni Leonardo da Vinci sa Uffizi museum sa Florence, Italy.
Nanalo ng isang Academy Award at tatlong Golden Globe Awards ang ilan sa kanyang mga karangalan. Sa ngayon nga, ang kanyang mga pelikula ay kumita na ng halos US$ 7.2 billion dollars worldwide, daan upang maluklok s’ya ng walong beses sa annual rankings ng world’s highest-paid actors.
Madame Marie Tussaud (Wax Museum)
Syempre hindi mawawala ang founder ng Madame Tussauds Wax Museum na si Madame Marie Tussaud. Si Anna Maria “Marie” Tussaud na ipinanganak noong December 1, 1761 sa Strasbourg, France ay isang French artist na nakilala sa kanyang mga wax sculptures at wax museum na nagumpisa sa London.
Si Philippe Curtuis na isang doctor at bihasa sa wax modelling, kung saan sila nakitira ng kanyang ina noong mga panahong iyon ang nagturo kay Marie ng art of wax modelling. Dahil sa kanyang ipinamalas na talento at technique ay nakapagtrabaho na s’ya bilang isang artist at yun ang simula para makilala si Madame Tussauds sa buong mundo.
Sa ngayon nga ay sikat at naging popular na itong tourist attraction hindi lang sa London kundi maging sa buong mundo na dinarayo ng maraming turista saan mang panig ng mundo.
Michelle Yeoh (Crouching Tiger, Hidden Dragon)
Si Michelle Yeoh Choo-Kheng na ipinanganak noong August 6, 1962 sa Ipoh, Malaysia ay isang Malaysian actress na nakilala sa kanyang pagganap sa ilan sa mga sikat na pelikula tulad ng James Bond film na Tomorrow Never Dies noong 1997 at martial arts film Crouching Tiger, Hidden Dragon noong 2000 kung saan ipinamalas n’ya ang kayang galing sa sariling mga stunts.
Nanalo din s’ya sa Miss Malaysia pageant noong 1983 sa edad lamang na 20 year old. Kasama din s’ya sa American romantic comedy-drama film na Crazy Rich Asians. Sa isang film-review ng isang website na Rotten Tomatoes ay hinirang s’ya bilang greatest action heroine of all time noong taong 2008. Isa rin s’ya 50 Most Beautiful People in the World na napili ng sikat na magazine na People noong 1997 at nakalista din ang pangalan n’ya sa 35 All-Time Screen Beauties noong 2009, ang natatanging Asian actress na nakapasok na listahan na iyon ng parehong magazine.
Nicole Kidman (Batman Forever)
Si Nicole Mary Kidman naman na ipinanganak noong June 20, 1967 sa Hawaii, USA ay isang Australian-American actress at producer. S’ya ang dating asawa ni Tom Cruise simula noong maghiwalay sila noong taong 2001. Nanalo ng isang Academy Award, dalawang Primetime Emmy Awards at limang Golden Globe Awards, si Nicole Kidman ang isa sa mga highest-paid actresses sa buong mundo noong taong 2006, 2018 at 2019.
Dalawang beses din s’yang pinangalanan ng sikat na Time Magazine bilang isa sa 100 most influential people in the world noong taong 2008 at 2018. Lumabas na s’ya sa napakaraming pelikula tulad ng The Others (2001), Far and Away (1992), Batman Forever (1995), To Die For (1995), Eyes Wide Shut (1999), Cold Mountain (2003), Paddington (2014) at Aquaman (2018).
S’ya rin ay nakilala sa pagiging Goodwill ambasador para sa UNICEF simula pa noong taong 1994 at UNIFEM noon pang taong 2006 pati na ang pag-appoint sa kanya bilang Companion of the Order of Australia.
Tom Cruise (Mission Impossible)
Sino ba naman ang hindi makakakilala sa gwapong-gwapong si Tom Cruise. Si Thomas Cruise Mapother IV na ipinanganak noong July 3, 1962 sa New York, USA ay isang American actor and film producer. Si Tom Cruise ang isa sa best-paid actors sa buong mundo at isa sa highest-grossing box-office stars of all time.
Sa dami ng kinita n’ya at sa dami ng mga di mabilang na pelikula na nagawa n’ya ay umabot na sa US$10.1 billion dollars ang kinita ng kanyang mga pelikula. Ilan sa kanyang mga sikat na movies ay ang Top Gun (1986), A Few Good Men (1992), Jerry Maguire (1996), The Color of Money (1986), Rain Man (1988), Born on the Fourth of July (1989), Vanilla Sky (2001), Minority Report (2002), The Last Samurai (2003), Collateral (2004), War of the Worlds (2005), Knight and Day (2010), Jack Reacher (2012), Oblivion (2013), Edge of Tomorrow (2014) at ang Mission: Impossible film series mula 1996 hanggang 2018.
Isa si Tom Cruise sa kinilala ng Premiere magazine bilang Hollywood’s most powerful actor at kinilala din ng Forbes magazine bilang world’s most powerful celebrity sa kani-kanilang ranking noong taong 2006. Alam n’yo rin ba na sa Japan ay dineklara ang tinatawag na “Tom Cruise Day” na award ng Japan Memorial Day Association bilang isang special day dahil si Tom Cruise ang nagkamit ng pinaka-maraming pagbisita sa bansang ito sa lahat ng mga Hollywood stars.
Ito na ang huling yugto ng paglilibot namin dito sa loob ng Madame Tussauds Wax Museum at ang huling parte ng aming pagbisita dito sa bansang Singapore. Nawa’y naibigan ninyo ang 15 parts ng aming tour dito sa Singapore.
Pinost ko lahat ng mga ito hindi upang ipagyabang bagkus ay magbigay ng kaalaman kung anu-anong mga lugar ang mga magagandang puntahan sa bansang Singapore. Kung nasubaybayan n’yo lahat ng parte ng aming paglalakbay dito ay para ka na rin nakarating sa bansang ito dahil sa dami ng iyong makikita sa aming mga napuntahan.
Sana’y nakatulong itong mga post ko patungkol sa aming tour dito sa Singapore para mabigyan kayo ng idea kung saan dapat pumunta, kung ano ang dapat gawin at kung paano makakapunta sa mga magagandang lugar dito sa bansang Singapore. Muli maraming salamat sa lahat ng nag-like, sumubaybay, tumingin at nagkagusto sa mga posts ko about sa kabuuan ng aming tour dito sa Singapore.
Narito naman ang ikatlong yugto ng aming paglilibot dito sa loob ng Madame Tussauds Wax Museum sa bansang Singapore. Sa part na ito makikita ang iba’t ibang Music Icon wax figures ng mga sikat at kilalang tao sa mundo ng musika.
Beyoncé
Unahin na natin si Beyoncé o Beyoncé Giselle Knowles-Carter sa buong pangalan. Ipinanganak noong September 4, 1981 sa Houston, Texas, USA na isang American singer, songwriter at actress. Sumikat si Beyoncé noong late 1990 bilang lead singer ng grupong Destiny’s Child na isa sa mga best-selling girl group of all time.
Lumabas din s’ya sa mga pelikula tulad ng US box-office number one film noong 2002 na Austin Powers in Goldmember, The Pink Panther, Dreamgirls noong 2006 at Obsessed noong 2009. Si Beyoncé ang isa sa world’s best selling music artist na nakapagbenta ng 100 million records worldwide.
DJ Armin Van Buuren
Si Armin Jozef Jacobus Daniël van Buuren o mas kilala sa pangalang DJ Armin Van Buuren ay ipinanganak noong December 25, 1976 sa Leiden, Netherlands. S’ya ay isang Dutch DJ, record producer at remixer na host ng weekly radio show na A State of Trance kung saan mayroong 40 million listeners sa 84 countries na may 100 FM radio stations.
Sumikat noong 2014 ng ma-nominate s’ya sa Grammy Award for Best Dance Recording para sa kanyang single na “This Is What It Feels Like”. S’ya rin ang may hawak ng record for most entries na may kabuuang 21 entries sa Billboard Dance/Electronic Albums chart.
K-Pop Nichkhun
Si Nichkhun Buck Horvejkul ay isang Thai American singer, songwriter, rapper, actor at model na ipinanganak noong June 24, 1988 sa California, USA. Nakabase ngayon si Nichkhun sa South Korea at miyembro ng South Korean boyband na 2PM.
Galing sa may kayang pamilya kaya nabansagang “Thai Prince in South Korea”, si Nichkhun ay nasimulang makilala bilang miyembro ng sikat na grupong 2PM noong taong 2008.
Suzy
Si Bae Su-ji o Bae Suzy naman ay isang South Korean actress at singer ng sikat na girl group na Miss A. Ipinanganak noong October 10, 1994 sa Gwangju, South Korea, si Suzy ay nakilala rin at sumikat sa pagganap n’ya sa television series na Dream High noong 2011 at Gu Family Book noong 2013.
S’ya rin ay naging host ng mga events tulad ng Seoul Music Awards, Golden Disc Awards, at Mnet 20’s Choice Awards kung saan nanalo s’ya ng award under the category na “Hot New Star of 2011”.
Katy Perry and Tailor Swift
Katy Perry
Si Katy Perry naman o Katheryn Elizabeth Hudson sa tunay na buhay ay ipinanganak noong October 25, 1984 sa California, USA. Isang American singer, song writer at television personality, si Katy Perry ay sumikat at nakilala noong 2008 sa kanyang album na “One of the Boys” kung saan lumikha ng kontrobersiya dahil sa tema nitong lesbianism.
Isa s’ya sa highest-earning women in music ng sikat na Forbes list simula taong 2011 hanggang 2018. Marami din s’yang natanggap na mga awards at ang ilan sa mga ito ay mula sa Guiness World Records, lima sa American Music Awards, sa Brit Awards at sa Juno Awards. Nakasama din s’ya sa mga pelikula tulad ng The Smurfs noong 2011 at mga sequel nito noong 2013. Ngayon nga ay isa rin s’ya sa mga judge ng sikat na music talent show na American Idol.
Tailor Swift
Si Taylor Alison Swift na ipinanganak noong December 13, 1989 sa Pennsylvania, USA ay isang American singer-songwriter at nakilala sa kanyang mga narrative songs patungkol sa kanyang buhay. S’ya ang pinakabatang artist sa edad na 14 years old na pumirma ng kontrata sa Sony/ATV Music publishing house.
Isa si Taylor Swift sa best-selling music artist of all time na nakapag-benta ng mahigit 50 million albums at 150 million singles. Nanalo din s’ya ng 10 Grammy Awards, isang Emmy Awards, at 6 na Guinness World Records.
Lady Gaga
Si Lady Gaga o Stefani Joanne Angelina Germanotta sa totoong buhay ay ipinanganak noong March 28, 1986 sa New York, USA. S’ya ay isang American singer, songwriter at actress na nakilala sa kanyang unconventionality, provocative work at visual experimentation. S’ya ang kumanta ng chart-topping single na “Poker Face” na nagpasikat sa kanya sa larangan ng musika.
Nakilala din s’ya sa kanyang pagiging philanthropy at social activism kung saan ang isa sa mga pinaglaban n’ya ay ang LGBT rights. Humakot din ng maraming awards at nakabenta ng 27 million albums at 146 million singles. Isa rin s’ya sa world’s best-selling music artist.
One Direction
Ang One Direction na kinabibilangan nina Niall Horan, Liam Payne, Harry Styles, Louis Tomlinson at former member Zayn Malik ay isang English-Irish pop boy band group na nabuo sa England noong taong 2010. Sila ang grupong nabuo at unang pumirma ng kontrata sa Syco Records na record company ni Simon Cowell.
Ang grupo ay nagwagi ng halos 200 awards kasama na ang 7 Brit Awards, 4 MTV Video Music Awards, 6 Billboard Music Awards, 7 Ameican Music Awards at 28 Teen Choice Awards. Sila rin ang second highest-earning celebrities under 30 ayon sa Forbes na kumita ng halos 75 million dollars noong 2013.
Madonna
Si Madonna Louise Cicconeo mas kilala bilang Madonna ay ipinanganak noong August 16, 1958 sa Michigan, USA. Isang American singer, song-writer, actress at businesswoman si Madonna ang binansagang “Queen of Pop” dahil sa kakaibang image na pinapakita niya onstage at sa mga music videos n’ya .
Lumabas din s’ya sa maraming pelikula tulad ng Evita na nagpanalo sa kanya bilang best actress sa Golden Globe Awards. S’ya rin ang best-selling female recording artist of all time ng Guinness World Records na nakapagbenta ng mahigit 300 million records worldwide. Ang kanya namang mga concerts ay kumita ng pinagsamang halaga na aabot sa 1.4 Billion US dollars at dahil dito s’ya ang naging highest-grossing solo touring artist of all time.
Elvis Presley
Ang legendary namang si Elvis Aaron Presley ay ipinanganak noong January 8, 1935 sa Mississippi, USA. Kilala bilang “King of Rock and Roll”, si Elvis na siguro ang isa sa most significant culture icon ng 20th century. Ang kanyang energized interpretation ng kanyang mga kanta at sexually provocative style ang nagpasikat sa kanya at makilala ang country music at rhythm and blues sa buong mundo.
S’ya ang best-selling solo artist sa history ng recorded music at naging matagumpay sa maraming genres tulad ng pop, country, blues, at gospel music. S’ya rin ang may hawak ng mga records for most gold albums na 117, most platinum albums na 67 at most multi-platinum albums na 27.
Michael Jackson
Isa na siguro sa di malilimutang music icon si Michael Joseph Jackson na ipinanganak noong August 29, 1958 sa Indiana, USA. Si Michael Jackson ay isang American singer, songwriter at dancer na kilala bilang “King of Pop”. S’ya na ata ang isa sa most significant cultural figures ng 20th century at one of the greatest entertainer in the history of music.
Bata pa lang ay sikat na si Michael Jackson na kilalang miyembro ng sikat na grupong Jackson 5 na kinabibilangan ng kanyang mga nakatatandang kapatid na sina Jackie, Tito, Jermaine at Marlon. S’ya ang isa sa best-selling music artist of all time at humakot ng di na mabilang na mga awards noong panahon n’ya. Dahil nga sa pagiging total performer ni Michael Jackson ay malaki ang naging impluwensya n’ya sa music industry magpahanggang ngayon kahit na s’ya ay pumanaw na. Alam n’yo rin ba na kahit ngayong taong 2019, ang Forbes ay kinikilala si Michael Jackson bilang top-earning dead celebrity kada taon simula nung mamatay s’ya maliban noong 2012.
Ito ang ikatlong yugto ng pagiikot namin dito sa loob ng Madame Tussauds Wax Museum sa bansang Singapore at sobrang nakatutuwang pagmasdan ang mga wax figures ng ilan sa mga sikat na music icon sa buong mundo.
Sana’y naaliw kayo sa mga nakita ninyo kahit sa litrato man lang at subaybayan n’yo sa mga susunod kong post ang pinakahuling yugto ng aming tour dito sa Singapore, ang huli at ikaapat na bahagi ng aming paglilibot dito sa loob ng Madame Tussauds Wax Museum.
Narito ang ikalawang yugto ng pagiikot namin dito sa loob ng Madame Tussauds Wax Museum sa Singapore. Sa parteng ito naman ay makikita natin ang mga wax figures ng ilan sa mga sikat sa larangan ng sports sa buong mundo.
Cristiano Ronaldo
Unahin na natin syempre ang gwapong-gwapong si Cristiano Ronaldo. Ipinanganak noong February 5, 1985 sa Madeira, Portugal, si Cristiano Ronaldo ay isang professional football player na naglalaro sa koponang Juventus.
Sumikat s’ya at nakilala bilang isang best player in the world at one of the greatest players of all time sa larangan ng football. Isang magaling na goal scorer, siya ang may hawak ng record for most goals scored sa UEFA Champions League na may 127 goals.
David Beckham
Ito naman si David Robert Joseph Beckham o David Beckham ay ipinanganak noong May 2, 1975 sa London, England at isang rin sa mga sikat ng football player sa kanyang kapanahunan.
Naglaro s’ya sa mga koponan na tulad ng Manchester United, Preston North End, Real Madrid, Milan, LA Galaxy, Paris Saint-Germain at sa England national team. Si David Beckham ang kauna-unahang English player na nanalo ng mga league titles para sa apat na iba’t ibang bansa tulad ng England, Spain, United States at France.
Muhammad Ali
Sino ba naman ang hindi makakakilala sa taong ito na katabi ko. Walang iba kundi si Cassius Marcellus Clay Jr. o mas kilala sa pangalang Muhammad Ali. Ipinanganak noong January 17, 1942 sa Louisville, Kentucky, USA, si Muhammad Ali ay isang American professional boxer, activist at philanthropist.
S’ya na ata ang pinaka-popular na sport figures sa buong mundo at isa sa mga greatest boxers of all time. Mula sa pangalang Cassius Marcellus Clay Jr. ay naging Muhammad Ali ang kanyang pangalan simula ng mag-convert s’ya into Islam religion at maging Muslim.
Sachin Tendulkar
Ito naman si Sachin Ramesh Tendulkar, isang Indian international cricket player na ipinanganak noong April 24, 1973 sa Mumbai, India. S’ya ang tinaguriang one of the greatest batsmen in the history of cricket at s’ya rin ang highest run scorer of all time sa international cricket.
Nakilala din s’ya bilang kaisa-isang player na naka-kumpleto ng mahigit 30,000 runs sa international cricket.
Serena Williams
Si Serena Jameka Williams naman ay isang American professional tennis player na ipinanganak noong September 26, 1981 sa Palm Beach Gardens, Florida, USA. S’ya ang former world No. 1 player at ay hawak ng most Grand Slam titles in singles, doubles at mixed doubles combined. S’ya rin ang highest paid female athlete noong taong 2016 na may kinitang almost $29 million in price money at endorsements.
Tiger Woods
Wala na yatang sisikat pa sa one of the greatest American golfers at one of the most famous athletes of all time na si Eldrick Tont Woods o mas kilala sa nickname na Tiger Woods. S’ya ay ipinanganak noong December 30, 1975 sa Cypress, California, USA.
Noong taong 1996, sa edad na 20 years old ay naging professional golfer na si Tiger Woods at hindi pa man lumalagpas ang isang taon mula ng maging pro s’ya ay naabot n’ya na ang number one in the world rankings noong June 1997. Pinarangalan din s’ya bilang PGA Player of the Year sa record na labing-isang beses.
Yao Ming
Si Yao Ming na isa na ngayong Chinese basketball executive at retired professional basketball player ay ipinanganak noong September 12, 1980 sa Shanghai, China. Naglaro s’ya para sa koponan ng Shanghai Sharks sa Chinese Basketball Association o CBA at sa Houston Rockets naman ng sikat na National Basketball Association o NBA.
Sa taas n’yang 7 feet 6 inches, s’ya ang pinakamataas na manlalaro noong panahon ng kanyang final season. Si Yao Ming ang kaisa-isang international player na first overall pick sa NBA draft na hindi naglaro sa alin mang college basketball team sa US.
Ito ang ikalawang yugto sa part 15 ng aming paggala dito sa Madame Tussauds Wax Museum sa bansang Singapore. Sobrang kay gandang pagmasdan ang mga sikat na manlalaro sa larangan ng sports kahit pa sila ay mga wax figures lamang.
Sana’y subaybayan n’yo pa ang aming pagiikot dito sa loob ng Madame Tussauds dahil marami pang mga sikat na wax figures ang makikita sa mga susunod na yugto na aking ipopost sa mga susunod na araw.
Ang Madame Tussauds na siguro ang pinaka-dinarayo ng karamihan ng mga turista sa Singapore. Kahit pa medyo may kamahalan ang bayad dito ay parang hindi ito mahulugang karayom sa dami ng mga nagpupunta dito mapa-turista man o lokal.
Likha ito ni Anna Maria “Marie” Tussauds, isang French artist na kilala sa kanyang mga wax sculptures noon pang taong 1835 sa London. Sa ngayon meron ng 21 Madame Tussauds wax museum sa buong mundo at anim sa mga ito ang nasa USA.
Inagahan namin ang pagpunta dito para wala pang masyadong maraming tao kaya nakakapagpa-picture kami ng maayos sa bawat life size wax figures sa part na ito ng aming tour dito sa Singapore kung saan makikita n’yo ang mga World Leaders ng iba’t ibang bansa sa unang bahagi nito.
Prime Minister of Singapore
Lee Hsien Loong
Ipinanganak noong February 10, 1952, si Lee Hsien Loong ang Prime Minister ng Singapore ngayon simula nung manalo s’ya ng tatlong beses ng taong 2006, 2011 at 2015 election. Alam n’yo ba na s’ya pala ang panganay na anak ng unang Prime Minister ng Singapore na si Lee Kuan Yew? Nasa dugo pala talaga nila ang pagiging isang pulitiko.
First President of the Republic of Singapore
Yusof Ishak
Si Yusof Ishak naman na ipinanganak noong August 12, 1910 ang kauna-unahang President ng Singapore at nagsilbi mula taong 1965 hanggang 1970. S’ya ang masigasig na nagsulong ng multiculturalism at naghikayat sa iba’t ibang lahi para mapanumbalik ang tiwala at kumpiyansa noong panahon na ang bansang Singapore ay nagkakawatak-watak dahil sa racial conflicts.
First President of Indonesia
Sukarno
Si Sikarno naman ang kauna-unahang President ng Indonesia na ipinanganak noong June 6, 1901 at nagsilbi sa kanyang bansa simula 1945 hanggang 1967. Si Sukarno ang isa sa mga namuno para makamit ng Indonesia ang kanilang independence mula sa Dutch Empire noong August 17, 1945 at s’ya nga ang nai-appoint bilang kanilang presidente.
Founding Father of the People’s Republic of China (PRC)
Mao Zedong
Ipinanganak noong December 26, 1893, si Mao Zedong na kilala bilang isang Chinese communist revolutionary na naging founding father ng People’s Republic of China o PRC. Namuno bilang isang chairman ng Communist Party of China simula noong taong 1949 hanggang sa kanyang pagkamatay noong taong 1976. S’ya ang isa sa pinaka-importante at influencialna tao sa modern world history dahil sa dami ng mga labanang kayang napagtagumpayan tulad ng Korean War, the Sino-Soviet split, the Vietnam War, at ang rise of Khmer Rouge.
44th President of United States of America (USA)
Barack Hussein Obama II
Si Barack Obama na ipinanganak naman noong August 4, 1961 na isang American attorney ay naging 44th Presideng ng United States of America at nanungkulan noong taong 2009 hanggang 2017. S’ya ang kauna-unahang African American na nanalo bilang isang presidente.
President of Indonesia
Joko Widodo
Si Joko Widodo naman na ipinanganak noong June 21, 1961 ang naging 7th President ng Indonesia na nagsimulang manungkulan simula pa noong 2014 at magpahanggang ngayon. S’ya ang kauna-unahang presidente na na-elect na hindi nagmula sa mga elite political clan o kaya naman ay yung may mga military background.
First Prime Minister of Singapore
Lee Kuan Yew and wife Kwa Geok Choo
Si Lee Kuan Yew naman na ipinanganak noong September 16, 1923 ang kauna-unahang Prime Minister ng Singapore na nanungkulan sa loob ng tatlong dekada. Kinilala s’ya bilang Nation’s Founding Father dahil sa pagdadala n’yasa bansang Singapore from 3rd World Country patungo sa 1st World Country dahil sa kanyang matagumpay na panunungkulan.
Indian Lawyer who lead India’s Independence from British Rule
Mahatma Gandhi
Si Mohandas Karamchand Gandhio mas kilala sa pangalang Mahatma Gandhi ay ipinanganak noong October 2, 1869 ay isang Indian lawyer na nakilala sa buong mundo sa matagumpay na nonviolent resistance para makamit ng India ang kanilang independence mula sa pamumuno ng mga Briton.
Prime Minister of India
Narendra Modi
Si Narendra Modi naman na ipinanganak noong September 17, 1950 ang ika-14 at kasalukuyang Prime Minister ng India simula pa noong 2014. S’ya ang kauna-unahang prime minister outside ng Indian National Congress na nanalo ng dalawang magkasunod na termino ng full majority at ikalawa sa nakakumpleto ng limang taong termino sa posisyon.
Former President of South Africa
Nelson Mandela
Ito naman si Nelson Mandela na isang South African anti-apartheid revolutionary, political leader at philanthropist na nagsilbi bilang President ng South Africa mula taong 1994 hangang 1999. Ipinanganak noong July 18, 1918, si Nelson Mandela ang kauna-unahang Black President ng South Africa at nanalo ng Nobel Peace Prize Award noong 1993.
President of the People’s Republic of China (PRC)
Xi Jinping and First Lady Peng Liyuan
Si Xi Jinping naman ang kasalukuyang President ng People’s Republic of China na ipinanganak noong June 15, 1953. Kilala si Xi Jinping bilang isang most powerful Chinese leader since Chairman Mao Zedong pero alam n’yo bang s’ya ay nakatira lamang sa cave sa isang village sa Liangjiahe noong s’ya ay teenager pa at nagtrabaho bilang isang party secretary.
Queen of the United Kingdom
Queen Elizabeth II
Si Queen Elizabeth II o Elizabeth Alexandra Mary Windsor sa tunay na pangalan ay ipinanganak noong April 21, 1926 na ngayon ay reyna ng United Kingdom at iba pang Commonwealth realms. S’ya ang longest reigning monarch in British history na naging reyna for the past 67 years at magpahanggang ngayon.
Magandang pumunta dito dahil para mo na ring nakita at nakasama ang mga World Leaders dahil kamukhang-kamukha nila ang kanilang mga life size wax figures at dahil nilagyan nila ng magagandang background scene ay maaaliw ka sa pagpunta at papamamasyal mo dito sa Madame Tussauds.
Ito ang unang bahagi sa apat na parte ng pasyal namin dito sa Madame Tussauds at marami pang mga susunod na wax figures kayong makikita sa mga darating na posts.
Sana’y masubaybayan ninyo ang mga susunod na post dahil marami pang sikat na taong gawa sa wax ang makakasama ko sa mga pictures. Ito na ang mga huling parte ng aming tour dito sa bansang Singapore at nalalapit na ang pagtatapos.
Ang Bugis Street na siguro ang isang lugar sa Singapore na hindi mawawala sa listahan ng mga turistang pumupunta sa bansang ito. Kaya naman isinama namin ito sa mga lugar na dapat naming makita at mapuntahan sa aming paglilibot dito sa Singapore.
Ito ang lugar na kadalasang puntahan ng mga turistang gustong mamili ng samu’t saring mga souvenir item o mga pampasalubong pagbalik sa kani-kanilang mga bansa. Isa itong malaking retail commercial complex na matatagpuan sa pagitan ng mga shopping complex at malls malapit sa Bugis Junction.
Sari-saring paninda ang dito’y makikita kaya naman maraming turista ang laging dumaraan dito, isa o dalawang araw bago ang pagalis nila sa bansang ito dahil na rin sa dami ng mabibili dito sa murang halaga lamang.
Marami kang mapagpipiliang produkto dito gaya na lang sa mga souvenir T-shirt store na ito na aming nabilhan na talaga namang magaganda pati na mga designs at hindi pahuhuli din ang quality.
Iba’t ibang design at style ang pwede mong pagpilian dito at karamihan sa kanila ay mura na at ang iba pa nga ay naka-sale pa. Dito sa tindahan na ito kami nakabili ng mga T-shirt na pampasalubong namin at pati na ang para sa amin.
Sa dami ng mga pagpipilian ay ikaw na lang ang magsasawang tumingin dahil hindi mo naman mabibili lahat sa dami n’ya. Kaya naman kay gandang magpakuha ng picture sa stall na ito dahil na rin dami ng iba’t ibang klase o design ng mga paninda n’yang T-shirt.
Pati nga mga Puti ay makakasabay mo na rin sa pamimili dito dahil alam din nila na mura dito at marami kang mabibiling iba’t ibang klaseng items sa lawak ng lugar na ito.
Merong sapatos, tsinelas, T-shirt, relos, chocolates at iba pa na makikita sa mga tindahan sa loob ng Bugis Street at halos marami kang makakasabay na iba’t ibang lahi na dito ay namimili din.
Kaya nga bawat tindahan ay mapapahinto ka talaga para tumingin at mamili dahil halos lahat ay magaganda basta marunong ka lang pumili at maghanap. Hindi mo na kailangan tumawad dahil nga sa baba ng presyo. Kaya nga siguro puntahan ito at bilihan ito ng mga turista bago sila magsi-uwi sa kani-kanilang mga bansa.
Kung mapagod ka naman at mauhaw sa paglilibot at pamimili dito sa Bugis Street ay meron isang tindahan dito sa bandang gitna na ang tinda ay puro lang inumin. Iba’t ibang juice ng iba’t ibang prutas ang dito ay pwede mong tikman.
Matutuwa ka dahil halos lahat na ata ng klase ng prutas eh meron silang juice nito. Kaya naman marami ang bumibili sa kanila pati na mga Westerners na turista. Masarap naman kasi at pwede ka ring mamili kung anong prutas ang gusto mo at meron din silang mga combinations ng mga prutas kung gugustuhin mo.
Ito ang napili naming juice combination na binili, ang carrot-orange at pineapple-peach juice. Masarap ang mga juice nila at mura pa. Nagkakahalaga lang ito ng 1 Singapore Dollar ang bawat isa.
Kapag nagutom ka naman ay merong Bugis Food Street silang tinatawag na makikita sa aming likuran sa picture na ito at malapit lang sa juice stand. Sa malayo pa lang ay maaamoy mo na ang iba’t ibang luto ng pagkain sa street na ito.
Samu’t saring pagkain naman ang makikita sa kahabaan ng street na ito na iba’t ibang lutong nagmula pa sa mga bansang China, Malaysia, Indonesia, at marami pang ibang putahe na talaga namang katakamtakam sa iyong panlasa.
Bawat kainan ay may kanya-kanyang specialty ng kanilang mga lutong putahe kaya naman kahit sa tingin pa lang ay talagang matatakam ka na sa sarap ng mga nakikita mo sa picture pa lang ng pagkain.
Wala ka ng hahanapin pa dahil nandito na lahat ng masasarap na pagkain na pwede mong tikman. Mura din ang pagkain dito kumpara sa ibang lugar na masarap pa at dahil nga sa dami ng pagpipilian ay wala kang itulak kabigin sa mga putaheng ito.
Sa tindahan namang ito ay nakapaskil na halos lahat ng mga masasarap na pagkain na pwede mong orderin sa kanila kaya naman hindi ka na mahihirapan pang pumili dahil nasa harapan mo na ang mga best dishes nila.
Sa servings pa lang ng order namin ay talagang maglalaway ka na dahil kumpletos rekados na ang isang bowl pa lang ng menu nila. Combination ng meat at vegetables ang napili namin kaya siguradong yari na naman ang buto-buto.
Simple pero sobrang sarap ng mga pagkain nila dito samahan mo pa ng malasang fruit juices on the side kaya naman kahit pagod ka sa kakalibot sa buong commercial complex na ito ay talagang mawawala ang lahat ng pagod mo pagtapos mong matikman ang mga luto nila.
Sa paglabas mo naman ng Bugis Street ay makikita mo ang Trishaw Uncle. Isa ito sa pinakamatandang transportation service gamit ang makalumang style ng tricycle na kung saan pwede kang ilibot sa malalapit na lugar tulad ng Kampong Glam, Little India o Chinatown.
Ito
na ang ika-14 na yugto ng aming paglilibot dito sa bansang Singapore.
Sana’y abangan ninyo ang pinakahuling parte na ng aming Singapore Tour
dahil iyon sa tingin ko ang pinakamagandang lugar sa lahat na aming
napuntahan dito sa bansang ito.
Isa
rin ang Bugis Street sa mga hindi mo dapat palampasin na mapuntahan
kapag ikaw ay nandito sa Singapore lalo na kung ikaw ay malapit ng umuwi
dahil marami kang mabibiling gamit o magagandang bagay dito lalo na mga
pampasalubong sa iyong pamilya, kamag-anak at mga kaibigan. Hanggang sa
susunod na post ko at sana abangan ninyo ang pinakahuling part ng aming
tour dito sa Singapore.
Isa pa ang Bugis Junction sa magandang puntahan habang ikaw ay nasa Singapore. Isa itong shopping mall na developed ng Parco Holdings na matatagpuan sa Victoria Street, Middle Road at North Bridge Road sa Bugis na Downtown Core ng Singapore.
Narito sa loob nito ang ilan sa mga sikat na kainan at shopping store tulad na lang nitong nasa likod namin na “Awesome Coffee” shop na nagse-serve ng isang Latte made using Ghirardelli White Chocolate.
Ito namang kainan na ito ay talaga namang mapanghalina sa kanyang pangalang “Let’s Eat!” Talaga namang mapapakain ka dahil pagkakita mo pa lang sa pangalan n’ya ay para kang hinihila na sa kanya kumain.
Narito rin ang sikat na bilihan ng iba’t ibang klase ng bread ang “Bread Talk“. Isang Singaporean Multinational Food na founded as a bakery brand noong pang taong 2000. Mayroon itong total na 900 stores sa iba’t ibang bansa tulad ng PRC, Malaysia, Hong Kong and Thailand at isa sa pinakakilalang franchised bakery outlets across Asia and the Middle East.
Narito din ang “Paris Baguette“, na isa ring bakery chain na nagmula naman sa bansang South Korea at pagmamayari ng SPC Group. Ang franchise na ito ang South Korea’s leading bakery franchise dahil na rin sa mahigit kumulang na 3,316 retail stores.
Meron din ditong restaurant ng sikat na American franchise na “Subway“. Isa ito sa fastest growing franchises sa buong mundo at alam n’yo bang meron na itong 41,512 locations sa mahigit 100 na mga bansa.
Ito namang “Kotsujiru Nabe Osaka Ohsho” ay isang Japanese restaurant na mayroong kabuuan na 300 outlets sa Japan, Hong Kong, Thailand, Korea at ngayon nga ay dito sa Singapore.
Kahit saan ka pumunta ay iba’t ibang pagkain ang makikita mo sa loob ng mall na ito na talaga namang nakakatakam sa itsura pa lang. Makikita din ang presyo ng bawat meal sa picture na ito na medyo may kamahalan pero sulit naman dahil sa sarap ng lasa nito.
Ang iba naman ay may mga nakapaskil pang “Best Seller” menu para pangakit sa mga dumaraan kaya hindi mo mapipigilan na huminto at tingnan ang specialty nilang ito na ang itsura ay katakamtakam.
Pero sa lahat ng yan ay wala na yatang tatalo sa pinakamatandang Singaporean chain outlet na “Ya Kun Kaya Toast“. Founded noong pang taong 1944 ni Loi Ah Koon, 75 years in business and counting na ang resto na ito. Meron na itong over 50 outlets in total sa iba’t ibang bansa tulad ng China, Indonesia, Japan, Myanmar, South Korea, Taiwan, Philippines, United Arab Emirates at dito nga sa Singapore.
Magtataka ka dahil sa umaga pa lang ay mahaba na ang pila dito dahil sa dami ng tumatangkilik. Isa ito sa di mo dapat palampasin na masubukang tikman dito sa Singapore. Kilalang kilala ito dahil sa lasa at linamnam ng pagkaing ito. Soft-boiled eggs at toasted buttered bread with matching delicious coffee ang isang set ng Kaya Toast. First time kong kumain nito at para sa akin ay panalong panalo ang lasa ng Kaya Toast na ito kaya naman pala pinagkakaguluhan.
Sa shopping mall area naman ay naroon ang mga maliit na stalls sa gitna para sa ilang mga souvenir items na nakakaaliw tingnan dahil sa disenyo ng kanilang mga carts o stalls.
Meron ding stall sa gitna ang sikat na Ferrari brand kaya naman nung makita ko ay pwesto na agad para sa isang instagramable picture kahit hindi naman ako bibili.
Ito naman ang “Tuk Tuk Cha” na isang cafe which specializes sa mga Thai beverages at desserts. Sa katabi lang nito ang sikat ding Nando’s na madalas naming kainan nung kami ay nasa Qatar pa. Kumain na kasi kami kaya hindi na namin nagawang kumain pa ulit dito.
Ito naman ang way papuntang Bugis Street at sa labas nito ay naroon pa ang maraming mga outlet na pwede mong pasyalan.
Sa labas ay marami pang ibang outlet na pwede mong makita tulad na lang nitong “BHG” na isang sikat na department store dito sa Singapore. Sa ganda ng istraktura sa paligid ay aakalain mong ikaw ay nasa isang European country.
Meron ding mga street direction na nakatayo sa labas para sa iba pang lugar o kalye na gusto mong puntahan o kung saan ka man patungo tulad ng MRT station.
Sa labas din ay kay gandang pagmasdan ang mga naglalakihang gusali at mall pati na ang malaking pangalan ng Bugis Junction sa itaas.
Sa di kalayuan ay makikita ang office tower at Intercontinental Hotel na nasa paligid lang ng Bugis Junction. Kaya naman isa ang lugar na ito na kasama sa pinapasyalan ng tao kapag sila ay nagbabakasyon sa bansang Singapore.
Nasa labas din ng Bugis Junction at harap lang ng Bugis Plus mall ang malaking Bugis+ signage na ito na magandang background para sa isang memorable na litrato.
Ito ang ika-13 na yugto ng aming paglalakbay dito sa bansang Singapore. Meron pang mga ibang lugar ang makikita n’yo sa mga susunod na post na talaga namang dapat abangan. Kaya sana ay subaybayan n’yo pa ang mga darating na post ko dito sa aking blog patungkol sa aming tour dito sa bansang Singapore.
Ang Kampong Glam ay
matatapuan sa northern part ng Singapore River sa area ng Rochor na
kilala bilang isang Malay-Muslim quarter. Isa ito sa mga lugar o
komunidad na kung saan napapanatili pa rin ang samahan at pagiging
malapit o pagkakaibigan ng mga Native-Malay at Muslim community.
Isa rin ito sa pinakalumang lugar sa Singapore kaya naman maraming turista ang dito’y naglilibot sa paligid-ligid dahil na rin sa mga na-preserve nilang heritage sa lugar na ito. Sa larawan namang ito ay makikita ang maraming turista na nagiikot sa paligid ng Kampong Glam.
Pagkatapos ng kolonisasyon ng mga British noong taong 1819, ang lugar na ito ay naging tahanan na ng Malay aristocracy o yung mga matataas ang antas o mga royalty sa society dito sa Singapore.
Kilala bilang isang Heritage Trail, ang pangalan na Kampong Glam ay hango sa pangalan ng isang puno na Cajeput Tree na ang tawag ay “Gelam” sa salitang Malay. Habang ang “Kampong” naman ay hango din sa salitang Malay na ang ibig sabihin ay “Village”.
Masjid Sultan
Isa
sa masasabing landmark ng Kampong Glam ay ang sikat na Masjid Sultan.
Isa itong malaking mosque na itinayo at nakumpleto noong pang taong 1928
at nagkaroon lang ng kaunting pagsasaayos para mapanatili ito sa
kanyang origihinal na disenyo.
Gawa ng arkitektong si Denis Santry ng Swan and Maclaren na ipinangalan kay Sultan Hussain Shah, ang 18th Ruler at naging Sultan ng Johor at Singapore noong taong 1819.
Sa labas pa lang ay makikita mo na kung gaano kaganda ang buong Masjid Sultan kaya naman isa rin ito sa mga pinupuntahan ng mga turista kapag namamasyal dito sa Singapore.
Sa paglilibot mo sa Kampong Glam ay makikita mo kung paano nila nai-restore at nabigyang buhay o ginawang makulay ang mga lumang shop houses tulad na lang sa larawang ito.
Sa kabila ng pagiging luma ang disenyo ng mga bahay dito ay nagawa nilang mabigyang kulay at maging maayos ang lugar na ito at ito ang dahilan kung bakit maraming turista ang dito’y naggagala.
Sa di kalayuan at malapit sa Kampong Glam ay makikita mo din ang mataas at matayog na Raffles Hospital. Isa ito sa mga sikat at kilala or one of the best hospital dito sa Singapore. Sa taas at hugis ng building nitong mala-L shape ay talaga namang kay gandang pagmasdan kahit pa sa malayo.
Ito ang ika-12 part ng aming pamamasyal dito sa bansang Singapore at nalalapit na ang pagtatapos pero meron pang dapat abangan sa mga huling post dahil siguradong may kaabang-abang na lugar ang hindi n’yo dapat palampasin na makita. Kaya sana ay makasubaybay kayo sa mga susunod kong mga post patungkol sa aming tour dito sa Singapore.
Isa pa sa mga lugar na dapat mong mapuntahan habang ikaw ay nasa Singapore ay ang paligid ng Marina Bay Sands. Sa paikot ng lugar na ito ng Marina Bay ay maraming magagandang lugar at tanawin na pwede mong sadyain lang sa iyong paglalakad. Sunud-sunod lang ang mga magagandang lugar na ito habang ikaw ay naglalakad sa kahabaan ng Marina Bay.
1. The Shoppes at Marina Bay Sands
Isa na nga sa mga magagandang lugar na ito ay ang The Shoppes. Isa itong mall sa Singapore na mayroong mahigit 100 shops sa loob at world-class restaurants at sophisticated cafes and bars.
Sa spectacular architectural pa lang nito mula sa labas ay talagang maaaliw ka na lalo na kapag pumasok ka pa sa loob. Sa taas naman nito ang casino at ang sikat na SkyBar observation deck.
2. Bay Front
Sa tapat naman nito ang malawak na Bay Front at kilalang tambayan ng maraming tao dahil na rin sa ganda ng tanawin sa paligid. Lalo na sa gabi dahil meron sila ditong tinatawag na Spectra – A Light and Water Show kung saan mamamalas mo ang napakagandang symphony of dancing fountain jets, colourful visual projections, advanced lasers, lava and mist effects na sinasabayan ng isang orchestral soundtrack.
Sa Bay Front mo rin makikita ang nagtataasang mga gusali ng mga business establishments dito sa Singapore. Ito ang nagsisilbing sentro ng kalakalan sa buong Singapore na kung saan nagoopisina ang ilan sa mga malalaking kumpanya na nagnenegosyo sa bansang ito.
3. Louis Vuitton
Una sa mga makikita mo habang ikaw ay naglalakad o namamasyal dito sa Marina Bay ay ang malaking gusali ng isa sa mga pinakasikat at pinakamahal na signature brand ng bag sa buong mundo at ito ay ang Louis Vuitton.
Sa pagkakagawa pa lang ng building na ito ay talaga namang dala-dala n’ya ang pagiging elegante at signature brand sa architectural design ng building na ito. Kaya naman takaw pansin talaga at hindi mo pwedeng palampasin na magpakuha ng picture na ito ang iyong background.
4. Artscience Museum
Sunod naman ang isa pang magandang architecural design ng building na Artscience Museum. Sa hugis nitong mukhang Lotus flower ay mamamangha kang talaga sa pagkakagawa nito na dinisenyo ni Architect Moshe Safdie.
Binuksan ito sa publiko noong February 17, 2011 ni Singapore Prime Minister Lee Hsien Loong para maging isang permanent exhibition center at alam n’yo ba na ito ang world’s first Artscience Museum.
5. The Helix Bridge
Hindi rin pahuhuli ang sumunod na walkway spot pagdating sa mga architecural o structural design nito, ang Helix Bridge.Sa malayo pa lang ay talaga namang makatawag pansin ang disenyo ng bridge na ito at madalas na pag-jogging-an ng mga tao dito sa Singapore.
Ang spiral bridge na ito ay disenyo at gawa ng Australian architects na Cox Architecture, Arup engineers at ilang Singapore base architects. Maganda ang bridge na ito lalo na sa gabi dahil sa mga nakakabit na mga ilaw sa palibot ng canopies nito na nagsisilbi ding shades sa mga pedestrians.
Sa hangganan naman ng Helix Bridge ay mayroong elavated flatform na pwede kang magpa-picture kung saan ang magiging background mo ay ang Marina Bay Hotel, Helix Bridge at pati na ang Artscience Museum. Kaya naman makikita sa picture na ito na talagang ang dami kang makakasabay na dito ay napapakuha din ng litrato.
6. The Float & Bay Grandstand
Sa patuloy mong palalakad ay madadaanan mo naman ang Bay Grandstand at sa harap naman nito ang The Float. Ito yung world’s largest floating stage sa water reservoir ng Marina Bay. Medyo ginagawa s’ya para sa F1 race nung time na nagpunta kami kaya hindi na kami nakapasok sa loob.
7. Esplanade Bridge
Sa dami ng pwede mapuntahan sa paglalakad mo lang dito sa palibot ng Marina Bay ay inabot na kami ng gabi para marating ang isa pa sa magandang spot dito, ito ay ang Explanade Bridge. Makikita mo dito ang magandang scenic view ng lugar kung saan kami nagumpisa ng paglalakad. Lalo pa itong pinagaganda sa gabi ng mga makukulay na ilaw na matatanaw sa aking likuran lalo na ang view ng Marina Bay Hotel at Artscience Museum na kahit sa malayo ay kay gandang pagmasdan.
8. Merlion Park
Ito naman ang pinaka-main event ng pagpapasyal dito sa Marina Bay dahil nandito sa bandang dulo ang Merlion park kung saan nakatayo ang isang Merlion statue. Ito talaga ang pinakapinupuntahan ng mga tao dito lalo na sa gabi dahil sa ganda ng view.
9. The Fullerton
Sa likod ng Merlion statue ang The Fullerton na isa mga sikat na hotel dito sa Central Business District ng Singapore. Ang kahabaan nito ang nagsisilbing tambayan ng mga tao lalong-lalo na yung mga galing sa trabaho dahil na rin sa ganda ng view sa paligid nito.
Ito ang ika-labing isang parte ng pamamasyal namin dito sa bansang Singapore at sa dami ng aming napuntahan na ay isa ito sa mga masarap puntahan dahil na rin sa pagiging isang one stop-shop nito o yung bang sa isang lugar lang ay marami pang iba’t ibang lugar ang nakapaloob dito. Kumbaga sulit ang bawat lakad mo dahil parang hindi ka mapapagod dahil nga sa dami ng pwedeng puntahan at magagandang tanawin na pwede mong makita at maging bahagi ng isang magandang alaala.
May isang magandang lugar na malapit lang sa tinutuluyan naming hotel ang sikat at puntahan ng mga turista dito sa Singapore, ito ay ang Haji Lane. Isa lang itong maliit na kalye sa Kampong Glam area pero dinarayo at sinasadya pa ng mga turista kapag napupunta sa bansang ito.
Simpleng kalye kung titingnan pero magiisip ka kung ano bang meron dito kung bakit ang daming turista ang dito’y pumupunta. Kaya isa ito sa mga nilagay namin sa mga dapat naming mapuntahan dito sa Singapore.
Sa pagbaybay mo sa kalyeng ito ay makikita mo ang mga elephant statue sa isang store na Elephant Parade. Makikita mo sa loob ng store na ito ang iba’t ibang pigurin ng mga elepante. Isa itong store na itinayo para makatulong sa pangangalaga at maging aid sa elephant conservation.
Kaya naman dinarayo ang lugar na ito ay dahil sa magagandang murals, design o paintings ng bawat bahay na nakatayo dito. Tulad na lang nitong matandang taong nakapinta sa bahay na ito sa likuran ko.
Bawat bahay ay iba-iba ang mga disenyo at murals na makikita kaya naman buhay na buhay ang lugar na ito mapaumaga man o gabi.
Meron ding isang shop na kung saan ay pwedeng maprint ang iyong larawan na nakalagay mismo sa ibabaw ng iinumin mong kape na kung tawagin ay Selfie Coffee.
Eto namang isang shop na ito ay parang kakaiba ang dating dahil sa pangalan pa lang ng kanilang store ay mapapaisip ka na ano kaya ang gagawin mo sa loob para masabing totoo ang pangalan ng shop na ito ahahaha…
Sobrang colorful ng mga designs sa bawat bahay na nakapinta sa mga walls at kaya naman pala ang kalyeng ito ay sikat na sikat sa mga turista na talaga namang dinarayo pa.
May mga nakatutuwang mga murals ang makikita mo dito tulad na lang nitong nasa likod ko at sa tingin mo palang ay talagang pati ikaw ay mapapangiti dahil sa itsura nito.
Talaga namang pang-poster post ang datingan mo dito kahit saan ka pumwesto sa alin man sa mga bahay na iyong madadaanan.
Maaga kaming nagpunta dito dahil alam naming maraming tao ang dito’y nagpupunta kaya naman nagagawa kong magpakuha ng ako lang magisa at walang masyadong taong kasama sa picture.
Meron ding mga souvenir item’s store kang madadaanan tulad ng shop na ito na punong-puno ng mga animated at movie character designs sa labas pa lang para makaagaw ng atensyon sa mga dumaraan.
Ang shop naman ito na animo’y may party sa loob dahil sa dami ng banner flag na nakasabit sa kanyang entrance. Sobrang makulay ang designs ng shop na ito kaya naman nakakaaliw tingnan sa malayo pa lang.
Ang Mad Sailors house namang ito ay puno ng mga pintang ahas kasama ng isang sailor na napapaikutan din ng ahas sa kanyang katawan at alam n’yo ba na ito ay isang kainan na kung saan ang mga hinahain nilang pagkain ay puro mga Crazy Halal British Food?
Kay gandang pagmasdan ang bawat bahay dito na punong puno ng mga paintings at animo’y mga obra ng mga sikat na pintor.
Alam n’yo ba kung saan nila nakuha ang pangalan ng kalye na ito na Haji Lane? Noong unang panahon kasi ay nagsisilbing tuluyan ito ng mga Muslims o Arab sa Singapore para sa kanilang Hajj pilgrim kaya naman dito nila nakuha ang pangalang Haji Lane.
Dahil nga sa makukulay ng murals sa wall ay talaga namang pang-instagram ang magiging pciture mo saan ka man magpakuha lalo na sa resto bar na ito.
Iba’t ibang design, iba’t ibang kulay. Kaya naman kahit maaga pa ay marami na ang nagpupunta sa lugar na ito eh lalo na siguro sa gabi na sasamahan pa ng mga nagkikislapang mga ilaw sa paligid.
Hindi ka magsasawa dahil bawat bahay ay iba’t iba ang style ng mga paintings kaya naman hindi mo talaga dapat palampasin ang dito’y makapunta kahit isang saglit man lang habang ikaw ay nasa Singapore.
Meron ka ring makikitang kalahating mannequin na ginawang taniman ng halaman para magkaroon ng ibang style kaya naman magandang magpakuha ng picture sa kakaibang gimik na ito.
Ito ang ikasampung parte ng aming gala dito sa bansang Singapore at isa ito sa mga makulay at magandang puntahan kaya naman maraming tao ang dito’y tumutungo para lang mamalas ang ganda ng lugar na ito. Abangan n’yo pa ang iba pang mga posts ko sa mga susunod na araw para sa iba pang mga lugar na napuntahan namin sa lugar na ito. Hanggang sa muli at halina na kayo dito sa Singapore.
Sa Sentosa Merlion Park makikita ang pinakamalaki at pinakamataas na Merlion statue sa buong Singapore. Dinisenyo ng Australian sculptor na si James Martin at itinayo noong taong 1995. Ang Merlion ang official mascot at simbolo ng Singapore bilang isang bansa.
Ang pangalang Merlion ay combination ng salitang “Mer” na ang ibig sabihin ay “Sea” kung saan nirerepresenta nito ang origin ng bansang Singapore bilang isang fishing village noong unang panahon. Habang ang “Lion” head ay nagrerepresenta sa bansang Singapore bilang isang “Lion City”.
Magandang magpakuha ng picture sa baba nito dahil kitang kita mo ang laki at taas nito na parang katulad ng mga dinosaurs doon sa Jurassic Park, Universal Studios.
Sa malahiganteng taas nito na 37 meters ay talaga namang manliliit ka na parang langgam na lang kapag nagpakuha ka ng litrato sa baba mismo nito. Halos nga hindi na ko makita sa picture na ito dahil sa taas n’ya.
Kahit pa nasa malayo ka na ay malaki pa rin tingnan ang statue ng Merlion sa background picture kong ito kahit pa sobrang layo na nitong lugar na aking kinatatayuan mula sa kanya.
Meron ding magarang fountain na pwede mong pagpahingahan habang ikaw ay naglilibot dito sa Sentosa Merlion Park at sa likod naman ang magandang glass structure.
Kung magutom ka naman ay merong mga coffee shop na pwede mong kainan habang namamasyal ka sa lugar na ito. Kasabay na nito ang pagbili ng mga souvenir items sa shop na ito.
Meron ding KFC food chain sa tabi na madalas na kainan ng maraming turista o mga namamasyal dito dahil sa pagiging sikat nito. Medyo may kamahalan lang ang presyo ng mga meals nila na kitang-kita naman ang presyo sa picture na ito.
May mga monorail train ka din na pwedeng sakyan kung pupunta ka dito sa Sentosa. Ito ay ang Sentosa Express na nagkokonekta sa Harbour Front at Sentosa Island. Walang bayad ang pagsakay sa mga train na ito kung within Sentosa lang naman o papuntang Mainland pero kung manggagaling ka ng Mainland papuntang Sentosa ay meron na itong bayad.
Katulad sa Universal Studios, isa din ang Merlion park na dinarayo ng mga turista pati na ng mga lokal dahil na rin sa ganda ng lugar at para na rin makita ang pinakamalaking Merlion statue sa buong Singapore. Sa picture na ito ay talaga namang hindi magkamayaw ang mga tao kung saan kukuha ng litrato o kani-kanilang mga selfie pictures.
Ito ang ikasiyam na parte ng aming paglalakbay dito sa bansang Singapore. Hinati-hati ko ang lahat ng mga napuntahan namin para na rin magbigay gabay sa mga gustong pumasyal sa bansang ito at makita kung anu-anong mga lugar ang magandang puntahan pati na ang mga dapat gawin. Abangan n’yo pa ang mga susunod kong post dahil meron pang mga ilang lugar na dapat n’yong mapuntahan kung kayo ay magtu-tour sa bansang Singapore.
Isa sa mga pinakasikat na puntahan ng tao sa Singapore mapaturista
man o lokal ay ang Universal Studios. Maganda naman kasi ang theme park
na ito at marami kang pwedeng gawin at pasyalan sa lugar na ito.
Matatagpuan ito sa Resorts World Sentosa sa Sentosa Island, Singapore.
Itinayo
ito noong April 19, 2008 at after 2 years ay nagbukas ito sa publiko
noong March 18, 2010. Ito ang pinakaunang Universal Studios theme park
sa buong Southeast Asia at ikalawa naman sa Japan sa buong Asya.
Bago
ka pa makarating ng Universal Studios ay may makikita ka ng isang puno
na punung-puno ng mga big round candies na nakasabit dito na parang mga
bunga n’ya. Animo’y parang may larong pabitin at ang premyong makukuha
ay ang mga candies sa itaas.
Bago ang entrance ay makikita mo na agad ang pamosong Universal Studios Globe. Halos lahat ata ng taong pumupunta dito ay hindi pwedeng walang selfie picture sa globe na ito kaya papahuli pa ba ako?
Universal Studios Globe
Sa main entrance ay madadaanan mo ang USS Entrance Archway at sa taas nito ay para kang papasok sa isang malaking kaharian.
USS Entrance Archway
Malawak ang entrance ng Universal Studios, siguro ay dahil na rin sa dami ng mga taong pumupunta dito at namamasyal. Kaya nga hindi na nagkasya sa larawang ito ang buong pangalan ng Universal Studios Singapore ng dahil sa lawak ng entrance nito.
Pagpasok mo ay sasalubong sa ‘yo ang magarang entrance na parte ng theme park na isang mala-Broadway style at Hollywood inspired architectures kasama na ang replica ng sikat na Hollywood Walk of Fame.
Hollywood
Makikita mo rin dito ang isang babaeng lookalike ni Marilyn Monroe. Pila ang mga nagpapakuha ng litrato sa kanya dahil talaga namang para mo na rin nakita ng personal ang sikat na aktres.
Marilyn Monroe
Isa sa mga mgagandang atraksyon dito ang Jurassic Park, ang pinaka-popular na film franchise na gawa ni Steven Spielberg.
Jurassic Park
Sa loob naman nito matatagpuan ang Jurassic Park Rapids Adventure’s final splashdown na talaga naman dinudumog ng mga tao lalo na ng mga bata.
Sa tapat naman ng Jurassic Park area makikita ang naglalakihang life size na mga dinosaurs. Para ka na ring nasa movie kapag nakatayo ka malapit sa kanila dahil sa malahiganteng itsura nila.
Nasa gitna nila ang kanilang mga itlog na aakalain mong binabantayan ng dalawang higanteng dinosaurs sa paligid nito. Nakakatuwa dahil para talagang totoong mga dinosaurs ang nasa tabi mo sa ganda ng pagkakagawa sa kanila.
Sunod na makikita mo naman ang historical adaptation ng Statues ng Ancient Egypt noong mga unang panahon. Sa sobrang lalaki ng mga istatwang ito ay para ka na ring dinadala o namuhay sa panahon ng Ancient Egypt.
Statues of Ancient Egypt
Sa Carter’s Curiosities mo naman makikita ang iba’t ibang souvenirs and replicas ng Egyptian treasures na binebenta sa loob ng retail outlet na ito.
Carter’s Curiosities
Isa pa sa main attraction sa loob ng Universal Studios ay ang Transformers. Isa itong 4-D Dark Ride Motion Simulator na isa sa mga hindi mo dapat palampasin na pasukin o subukan. Sobrang ganda ng 4-D effects na sinamahan ng ride-vehicle technology para maging isang thrilling ride experience para sa mga susubok nito.
Transformers
Nakatayo naman sa labas si Optimus Prime at nagbabantay sa mga taong papasok para sumubok sa transformer ride at magbigay seguridad dahil baka dumating ang mga Decepticons. Marami ang sa kanya’y nagpapakuha ng litrato dahil kung titingnan mo ay buhay na buhay ang kulay na para talagang yung nasa pelikula.
Optimus Prime
Mukhang may lakad ata si Bumblebee ngayon at naka-transform into Chevrolet Camaro. San kaya s’ya pupunta? Sayang at hindi s’ya naka-robot form ngayon pero kahit ganun ay maganda pa rin magpakuha ng litrato sa kanya.
Bumblebee
Isa naman ang Battlestar Galactica sa most thrilling adventure dito sa loob ng Universal Studios. Kaya hindi ko na binalak subukan pa ito dahil siguradong hilo ang aabutin ko sa ride na ito.
Battlestar Galactica
Halos mga kabataan ang mga sumusubok dito dahil na rin sa mala-inverted roller coaster ride na ito na talaga namang aatakihan ka sa puso sa sobrang thrill ng adventure na ito. Nakikita ko pa nga lang mula sa labas at naririnig ang mga sigawan ng mga kabataan eh parang hihimatayin na ko hahaha…
Ito naman ang Far Far Away Castle kung saan makikita ang iba’t ibang Shrek franchise na inspired at gawa ng DreamWorks Animation. Sobrang enchanting ang pakiramdam na para kang nasa isang Fairy Tale movie o isang animated movie kapag ikaw ay nasa loob nito.
Far Far Away Castle
Sa loob ng Far Far Away Castle makikita mo ang Puss in Boots’ Giant Journey. Isa itong steel suspended family roller coaster na hango sa Hollywood film na Puss in Boots.
Puss in Boots
Narito rin sa loob si Shrek at sa bandang gilid naman ay nandun si Pinocchio. Kay gandang magpakuha ng litrato sa labas ng Far Far Away Castle na ito dahil sa ganda ng view at hugis nito.
Shrek and Pinocchio
Meron ding putol na puno kang madadaanan na ginawang parang bubong ng bahay sa ilalim. Ito ang sinasabi nilang literal na nakatira sa ilalim ng puno ng mangga, hindi ko lang alam kung anong klaseng puno ba ito hehe..
Nasa loob din ng Universal Studios ang Madagascar. Inspired ng DreamWorks Animation franchise at galing sa Hollywood film na Madagascar. Dito makikita ang mala-jungle na theme park at may dalawang rides pati na ang mga character sa cast ng nasabing movie.
Madagascar
Sa gilid naman ay mami-meet mo si Hello Kitty na nakatayo sa isang Hello Kitty Store kung saan ang lahat ng tinda sa loob ay puro mga Hello Kitty souvenir items.
Hello Kitty
Halos bawat lugar sa loob ng Universal Studios ay puno ng mga tao dahil sa ganda ng theme park na ito at sa dami ng pwede mong puntahan at gawin. Marami ding mga kainan kang madadaanan along the way sa pagiikot mo dito sa loob kaya kung magutom ka ay hindi mo poproblemahin kung saan mo gustong kumain.
Iba’t ibang lahi at turista ang dito’y madalas mamasyal kaya halos hindi ito nawawalan ng tao at halos mapuno ito lalo na kapag weekends. Kaya ang suggestion ko ay weekdays kayo pumunta dito para hindi masyadong crowded ang lugar at makapagpapicture kayo ng maayos sa mga magagandang lugar sa loob ng Universal Studios. Marami pang magagandang lugar ang pwedeng puntahan maliban pa doon sa mga napuntahan namin. Kaya talagang kulang ang isang araw mo dahil sa dami ng dapat at magandang pasyalan.
Ito ang ikawalong parte ng aming tour dito sa bansang Singapore at isa ang Universal Studios na mairerecommend ko na hindi n’yo dapat palampasin na mapuntahan kung sakali man na kayo ay mapadpad sa bansang ito. Hanggang sa muli at sana abangan n’yo pa ang mga susunod kong mga post patungkol sa pamamasyal namin dito sa bansang Singapore.
Ang Singapore ang isa sa may pinakamaunlad na business sector sa buong Asya. Isa ang Downtown Singapore na lugar ang magpapatunay dito kung gaano ang naging pagunlad at progreso ng Singapore. Pagbaba mo ng Telok Ayer MRT/LRT train station ay malapit na at pwede na lang lakarin mula dito ang lugar ng Downtown Singapore.
Halos walang masyadong tao ngayon sa kalsada ng magpunta kami sa lugar na ito dahil yun ay araw ng linggo. Mukhang tulog at nagpapahinga pa sa kani-kanilang mga tahanan ang bawat isa.
Sa likod ko makikita ang mga nagtataasang mga buildings na magsasabi kung gaano kaprogresibo ang Singapore sa panahon ngayon.
Kahit saan ka tumingin paitaas ay talaga namang kay gandang pagmasdan ang bawat istraktura ng mga gusali na nagtatayugan sa lugar na ito.
Sa tayog ng bawat building ay aakalain mong ikaw ay parang nasa New York City ng Amerika dahil sunud-sunod ang mga matataas ng gusali sa buong paligid ng Downtown Singapore.
Kay sarap pagmasdan ang kapaligiran sa Downtown Singapore dahil malinis ito at parang wala pa akong nakita ni isang kalat man lang sa paligid ng lugar na ito. Ang mga tao din ay disiplinado at talagang sumusunod sa mga batas trapiko.
Isa sa mga landmark na hindi mo dapat palampasin na mapuntahan sa Downtown Singapore ay ang Lau Pa Sat. Una itong itinayo noon pang 1824 na dati ay isa lamang fish market sa waterfront. Nilipat ito at itinayong muli noong taong 1894 dito nga sa lugar kung saan s’ya ngayon makikita. Ito ang isa sa mga pinakalumang Victorian design structure sa South East Asia. Isa ito sa mga pinakasikat na Hawkers, yun ang tawag nila dito sa mga malalaking food courts.
Dito sa Lau Pa Sat ay medyo mura ang pagkain kumpara sa mga restaurant at ibang kainan sa Singapore. Maraming uri ng pagkain ang makikita mo dito dahil sa dami ng mga stalls na nagsama-sama dito. Merong Chinese, Malay, Indian, Western food at marami pang iba na talaga namang matatakam ka at malilito sa pagpili.
Tulad na lang nitong napili naming pagkain na talaga namang napakasarap at ang lasa ay the best talaga na para ka ding kumain sa isang mamahaling restaurant pero sa murang halaga. Sa itsura pa lang at presentation ng pagkain ay talagang panalo na. Marami pang iba’t-ibang pagkain ang pwede mong pagpilian dito na naaayon sa iyong panlasa.
Sa labas ng Lau Pa Sat ay kita mo na kung gaano talaga ito kalaki kaya naman ito ay dinarayo at kadalasang pinupuntahan ng mga turista dito sa Singapore dahil mura na ang pagkain ay masarap pa.
Ito ang ika-pitong parte ng aming paglilibot dito sa bansang Singapore at talaga naman hahanga ka sa linis at kaayusan ng lugar na ito. Isa ang lugar na Downtown Singapore na dapat mong puntahan kapag ikaw ay namamasyal dito sa bansang ito. Hanggang sa susunod na post ko at sana’y makasubaybay kayo sa marami pang lugar na aming napuntahan dito sa Singapore.
Ang Chinatown ang isa mga pinaka-abalang lugar sa Singapore. Maraming turista dito kumukuha ng hotel na matutuluyan kapag sila ay bumibisita sa bansang ito. Buhay na buhay kasi ang lugar na ito lalo na sa gabi dahil sa dami ng pwedeng mong gawin at puntahan. Tatlong istasyon lang mula sa Jalan Besar station kung saan ang hotel namin ay nasa Chinatown ka na. Sa larawang ito ang Chinatown MRT/LRT station kung saan nagumpisa ang paggala namin sa lugar na ito ng Singapore.
China Square Central
Pagbaba mo ng Chinatown train station ay nasa harap na nito ang China Square Central. Isa itong commercial mall na una mong mapupuntahan kung saan makikita mo ang mga mini-lion head na nakatayo sa labas ng commercial establishment na ito.
Kay gandang magpakuha ng litrato sa mga mini-lion head na ito na isang national symbol ng Singapore. Kilala kasi ang Singapore sa tawag na “The Lion City” dahil nagmula ang pangalan ng bansang ito sa Malay word na “Singa” na ang ibig sabihin ay “Lion” at ang “Pura” na ang meaning naman ay “City”. Isang magandang trivia ito sa mga hindi pa nakakaalam ng mga impormasyon tungkol sa Singapore.
Meron ka rin makikitang mga double decker bus para sa mga turista na gustong malibot ang paligid ng Singapore katulad na lang ng napadaan na bus na ito sa likod ko.
Sa pagbaybay mo sa Chinatown mapapadaan ka sa mga nakatutuwang foot bridge na ito dahil puno ng mga bulaklak at kay ganda ng disenyo ng pagkakagawa kaya maaliwalas s’ya pagmasdan.
Chinatown Heritage Center
Dito sa Chinatown makikita ang isang Heritage Center kung saan nakalagak ang history o lumang pamumuhay ng mga unang tao sa Singapore at madiskubre ang mga personal stories ng mga taong unang nanirahan dito sa Chinatown.
Sa labas pa lang ng Chinatown Heritage Center ay kita mo na kung paano mamuhay ang mga unang tao dito sa Singapore tulad na lang ng magsasakang nagtatanim sa gilid ng kuhang litrato na ito.
Buddha Tooth Relic Temple
Isa sa mga pinakasikat na landmark dito sa Chinatown ay ang Buddha Tooth Relic Temple. Isa itong Buddhist temple at museum complex kung saan matatagpuan ang Tooth Relic ng historical Buddha.
Saan mang anggulo tingnan ay talagang mamamangha ka sa ganda ng architectural design nito na base pa noong panahong ng Tang Dynasty.
Kaya isa ito sa mga dapat mong puntahan kung ikaw ay naglilibot sa Chinatown at hindi dapat palampasin na magpakuha ng litrato sa paligid nito dahil sa ganda ng background.
Sri Mahamariamman Temple
Isa pa sa mga sikat na landmark na dito sa Chinatown din matatagpuan ay ang Sri Mariamman Temple. Ito ang oldest Hindu temple sa Singapore na itinayo noong pang taong 1827. Kay gandang pagmasdan ang iba’t ibang sculptures sa entrance ng temple na ito kaya maraming tao ang dito’y tumutungo.
Ang temple na ito ay dedicated sa Goddess na si Mariamman na kilala na nagpapagaling sa mga epidemic illnesses at diseases noong unang panahon. Isa ito sa pinakakilala at sagradong dasalan ng mga Hindu worshipers at ibang Singaporeans.
Kilala ito sa sikat na pangalang “Pink Temple of Singapore” ng kanyang mga deboto dahil na rin sa kulay nito at kung titingnan mo ito mula sa labas ay napakaganda ng loob.
Chinatown Food Street
Hindi mo rin dapat palampasing daanan ang Chinatown Food Street kung saan makikita ang iba’t ibang pagkain ng iba’t ibang nasyon tulad ng Indian, Chinese, Singaporean at marami pang iba.
Sa gitna nakahambalang na ang animo’y napakahaba at sunud-sunod na kainan sa kahabaan ng street na ito. Kaya kung gutom ka na sa pamamasyal ay dito ka na kumain dahil sa dami ng pagkaing pagpipilian dito.
Marami din ang katulad ng ganitong gusali na sa Chinatown ay madadaanan sa iyong paglilibot. Isa lang ito sa mga makaluma ngunit renovated na istraktura ng gusali na sa Chinatown ay nagpapaganda.
Si Buddha naman ay makikita mo sa gilid ng daan kaya dapat ay aware ka na nandun s’ya kasi baka malampasan mo dahil medyo natatakpan sya ng mga tindahan sa kaliwa’t kanan.
Dito rin sa Chinatown maganda mamili ng mga pampasalubong lalo na ng mga chocolates dahil mababa ang presyo dito at kadalasan ay mga naka-sale pa tulad na lang nitong napasok naming tindahan na talaga naman mapapabili ka.
Sa pagiikot mo dito sa Chinatown ay makakasabay mo ang maraming tao at iba’t ibang lahi na dito’y namamasyal din. Ang gusali naman sa likod ang isa sa mga pinakasikat at pinakamasarap kainan ng Singaporean at Chinese food.
Meron ka ding makikitang mga tindahan, tsanggean o sunud-sunod na mga stalls sa pagiikot mo dito sa Chinatown at maraming pwedeng mabili dahil samu’t sari ang mga paninda sa kahabaan ng street na ito.
Ito ang ika-anim na parte ng aming tour dito sa Singapore at marami pa kaming napuntahan dito sa bansang ito na ipopost ko pa sa mga susunod na araw at pagkakataon. Maganda ang bansang Singapore at marami ang dito’y pwedeng puntahan at gawin. Kaya sana subaybayan ninyo ang iba ko pang mga posts sa mga darating na araw dahil marami pang dapat abangan. Muli po halina kayo sa Singapore.
Isa pa sa mga puntahan ng tao sa loob ng Gardens by the Bay ay ang Supertree Grove. Ito ay mga tree-like structures na may large canopies na nagsisilbing shade sa araw at nagbibigay buhay at liwanag sa gabi sa kanyang magarang pailaw.
Meron itong elevated walkway sa pagitan ng dalawang pinakamalalaking Supertrees na kung tawagin ay OCBC Skyway hango sa pangalan ng bangkong Oversea-Chinese Banking Corporation. Ginawa ito para maenjoy ng mga turista ang panoramic aerial view at kabuuan ng Gardens by the Bay at Marina Bay skyline. Libre ang paggala sa Supertree Grove pero kung aakyat ka sa OCBC Skyway at may bayad na.
Sa taas nitong 50 meters ay kita mo pa rin ang mga ito kahit pa ikaw ay nasa malayong bahagi na ng garden.
Sobrang kay gandang pagmasdan ang mga Supertrees na ito kahit sa malayo dahil sa malahigante nitong istraktura.
Isa ito sa mga hindi mo dapat palampasin na kuhanan ng litrato habang ikaw ay namamasyal sa loob ng Gardens by the Bay.
Bawat anggulo kahit saan ka man pumwesto ay talaga namang hindi mawawala sa background photo mo ang mga Supertrees na ito.
Ang maganda sa mga ito ay nakalagak s’ya sa iba’t ibang lugar kahit nga dito malapit sa Marina Bay Hotel ay meron din. Kaya isa din ito sa mga magagandang spot para sa isang instagramable photo na pwede mong pagkuhanan.
Parang ding mga payong na gawa sa ferns at vines kung titingnan mo sa itaas ang mga Supertrees na ito sa ganda ng pagkakagawa nila dito. Ang mga Supertrees na ito ay dinisenyo ng Grant Associates, kasama ang malikhaing inhinyero ng Atelier One at Atelier Ten.
Pwede ka rin magpakuha ng picture sa bandang lake at nasa likod nito ang mga Supertrees pati ang bridge sa may di kalayuan na iyong matatanaw para sa mas magagandang background ng iyong litrato.
Sa gabi naman ay nagniningning ang liwanag nito dahil sa makukulay nitong mga ilaw na nakapalibot sa kabuuan ng bawat Supertrees na ito.
Sa baba naman ng Supertree Grove ay makikita ang mga istatwa ng mga tao at kabayo noong lumang panahon na pinatitingkad ng nakasisilaw na liwanag mula mismo sa mga istatwang ito.
Animo’y parang mga bituin sa langit ang bawat piraso ng ilaw kapag tiningnan mo sa itaas at ang maganda pa dito ay nagiibang kulay ang bawat Supertrees na ito sa saliw ng musika.
Katulad na lang ng isang Supertree na ito na nagibang kulay at mas lalong lumiwanag sa kadiliman ng gabi.
Napakagandang pagmasdan ng mga Supertrees na ito kasama ng Marina Bay Hotel sa likod nila habang lumalalim ang gabi.
Aakalain mo rin na merong malalaking christmas trees pagtiningnan mo sa itaas kapag magkakasama ang mala-higanteng trees na ito. Sobrang nagbibigay liwanag ang bawat isa sa kalangitan dahil sa taas nito.
Sa baba rin ng Supertree Grove ay meron ding makikitang umiikot na parang story wall kung saan nakaprint ang mga kaganapan noong unang panahon.
Medyo may kadiliman man sa baba ng paligid nito ay makikita pa din ang kumikinang na mga Supertrees.
Sobrang daming tao ang dito’y namamasyal lalo na sa gabi upang pagmasdan ang ganda at nakakaaliw na liwanag ng mga Supertrees mula sa ibaba. Kada gabi bandang 7:45 pm at 8:45 pm ay buhay na buhay ang Supertree Grove dahil merong light and music show na kung tawagin ay Garden Rhapsody kung saan ang lahat ng mga Supertrees ay nagiba-iba ng kulay ng mga ilaw sa saliw ng musika kaya ito ang pinupuntahan ng maraming tao.
Aakalain mong Pasko sa lugar na ito dahil parang katulad lang sa Pinas ang magarbo at makukulay na liwanag ng mga Supertrees pati na ng Marina Bay Hotel.
Sa ilalim nito mistulang para kang nasa Engkantadia dahil ang paligid ay napupuno ng liwanag na nagmumula sa mga Supertrees na ito kaya’t kay gandang magpakuha ng litrato kapag kayo’y nasa ibaba ng mga ito.
Ito ang ikalimang yugto ng aming pamamasyal dito sa bansang Singapore at isa ang Supretree Grove sa mga hindi mo dapat palampasin na mapuntahan kapag ikaw ay napadpad sa bansang ito. Siguradong maraming pictures ang magiging part ng inyong memories na dito lang makukunan sa Supertree Grove.
Life is Beautiful 