Singapore Tour – Part 4: The Flower Dome

Isa pang tourist spot na nasa loob din ng Gardens by the Bay ay ang Flower Dome. Isa rin itong malaking dome na kung saan makikita ang iba’t ibang uri ng bulaklak. Ito ang pinakamalaking glass green house sa buong mundo na nakalista sa Guinness World Records noong 2015.

Pagpasok mo pa lang bubungad na sa ‘yo ang nakapaganda istraktura ng dome at ang wall ng isang mala-bahay na napupuno ng mga halaman at bulaklak.

Sa dami ng mga bulaklak na nakalagak dito ay nilagyan na nila ng ilang palapag para lang mailagay ang higit kumulang ilang libong mga uri ng bulaklak.

Sa dami ng mga bulaklak dito ay nagmistulang isang malaking hardin ang kapaligiran na pinahahalimuyak ng bango ng mga bulaklak na ito.

Kaya nga kahit saan ka pumwesto ay talagang lalabas na napakaganda ng background mo dahil nga sa makukulay na uri ng bulaklak.

Meron pang mga disenyo ng tulad ng bahay na ito na napapalibutan ng mga bulaklak na para bang ikaw ay nasa isang bahay kubo at marami kang tanim na mga bulaklak.

Pang-instagramable post talaga ang magiging kuha ng mga litrato mo kahit saan ka man lumugar.

Narito ang isang uri ng orchids na kung tawagin ay Aranthera Anne Black na pinangalan sa asawa ng isang British governor ng Hongkong at Singapore noong taong 1958 to 1964. Aba magandang trivia pala ang pangalan ng orchid na ito.

Kung mapapansin mo ay hindi nawawala ang mga paru-paro sa paligid gaya na lang ng nasa likod kung iyong makikita.

Ano ba gang tinatanaw ng mamang ito eh hindi naman dun naka-focus ang camera? Kala mo’y stolen shot ang datingan nireng taong ire ah.

Sa dami ng pwedeng kuhanan na litrato ay pati misis ko ay kinukuhanan na rin ng litrato na isang babae sa gilid ng picture na ito.

Sobrang gaganda ng mga bulaklak kung iyong pagmamasdan dahil sa iba’t ibang kulay ng mga ito at kapag nagsama-sama ay para bang makulay ang buhay.

Eto namang si ate ay sumama pa sa picture eh. Ayos na nga ang kuha dahil maraming uri ng bulaklak ang magkakasama tapos hindi pa nasiyahan ay may pakamay-kamay pa.

Isang uri pa ng orchid ang dito’y matatagpuan at ito ay ang Dendrobium Tay Swee Keng. Alam n’yo ba na ito’y isang uri ng hybrid orchid na originated by Koh Keng Hoe noong pang taong 1975. Isa na naman itong bagong kaalaman na dito ko lang din natutunan at nalaman.

Eto namang mamang photographer eh dun pa pumwesto. Naging photobomber tuloy s’ya sa napakagandang bulaklak na kinukunan ko kasama ang napakagandang bulaklak sa buhay ko ang aking asawa.

Kapag nasa loob ka ng Flower Dome ay para kang may-ari ng napakalaking hardin na napapalibutan ng iba’t ibang klase ng bulaklak sa kapaligiran.

Ito ang isa sa mga pinakamagandang kuha ko dahil maliban sa nakapagandang bulaklak ay nasa likod nito at nagiging background ang Singapore Flyer na nasa labas ng dome pero kita pa din sa loob.

Meron ding mga half-human na animo’y parang mga manananggal sa atin sa Pinas. Gusto din pala ng mga ito ang halimuyak ng mga bulaklak kaya sila nandito. Mga choosy ang mga ito ah, kala ko kasi dugo lang ang gusto nila ahahaha..

Sa paglabas bandang exit naman ay nandun naman ang kanilang gallery ng iba’t ibang pictures ng mga flowers na meron sa loob ng Flower Dome. Kay gandang pagmasdan sa medyo madilim-dilim na liwanag na lalong nagpapatingkad sa mga pictures.

Katulad ng sa Cloude Forest, bago ka lumabas ay meron din ditong Gift Shop o Souvenir Store kung saan pwede ka tumingin at bumili ng samu’t saring items na ang karamihan ay dito mo lang mabibili.

Ito ang ika-apat na yugto ng aming paglalakbay sa bansang Singapore at marami pang dapat abangan dahil naguumpisa pa lang gumanda ang mga posts ko. Sa mga susunod na posts ay mas maraming mas magagandang lugar ang makikita kaya sana’y makasubaybay kayo sa mga darating ko pang mga post dito sa aking blog. Muli halina sa Singapore at tayo’y mamasyal habang tayo’y malalakas pa at baka hindi na natin ito magawa sa ating pagtanda.

Singapore Tour – Part 3: The Cloud Forest

Sa loob ng Gardens by the Bay ay matatagpuan ang Cloud Forest. Isa din ito sa mga puntahan ng mga turista at lokal sa bansang Singapore. Ito ay isang tropical forest mountain na nasa loob ng isang malaking dome.

Sa entrance pa lang ay bubungad na sa ‘yo ang malamig na ambon ng tubig na animo’y galing sa tubig ulan na nagmumula sa waterfalls ng Cloud Forest.

Sa pinakataas ay matatanaw mo ang napakagandang waterfall view kung saan nagmumula ang tubig na para bang ikaw ay nasa ibaba ng isang malaking bundok. Sa taas nitong 42 meters, ang Cloud Mountain na ito ay pwede mong ma-access sa pamamagitan ng elevator o kaya naman ng isang circular path na nakapaikot sa kabuuan ng Cloud Forest.

Dito mo makikita ang iba’t ibang klase ng puno at halaman na makikita mo din sa isang kagubatan. Napakagandang pagmasdan na ang isang Forest ay nagawa nilang buuin sa isang indoor dome, kaya naman marami ang dito’y namamangha at dumarayo.

Sa loob ng Cloud Forest ay matatanaw mo na rin sa di kalayuan ang malalaki at matataas na Supertree Grove na halos abot kamay mo na.

Isa pa sa pwede mong matanaw habang nasa loob ka ay ang Marina Bay Hotel. Kay gandang pagmasdan ang kabuuan nito kahit nasa loob ka pa ng Cloud Forest.

Kapag narating mo naman ang tutok ay nakakalulang tingnan ang ibaba pero sa ganda ng aerial view nito ay mapapamangha ka na lang na iyon pala ang tinatahak mo kani-kanina lang.

Ito naman yung part ng Crystal Mountain area kung saan makikita ang iba’t ibang uri ng stalagmites at stalactites na inilagay sa mga crystal like flatform para mas lalo mong maappreciate at makita ng malapitan.

Napaka-gandang pagmasdan ang walkway na pumapaikot sa buong Cloud Forest habang ikaw ay pababa na. Lalo na ang istraktura na tumatakip at nagsisilbing bubong sa buong area ng lugar na ito.

Kaya naman maraming tao ang dito’y namamasyal, mapa-turista man o lokal dahil nga sa ganda ng lugar at nakamamanghang istraktura. Biruin mo ba naman na magkaroon ng bundok at kagubatan na nasa city at nasa loob ng isang malaking dome.

Kaya nga kahit saan ka man pumwesto ay siguradong magiging maganda ang background mo sa pictures na makukunan mo.

Sa pagbaba mo naman ay nandun ang pinagmamalaki nilang Cloud Forest Gallery kung saan nakalagak ang mga impormasyon tungkol sa pagpapahalaga sa ating kalikasan.

May mga exhibit sa loob at ginawa nilang medyo madilim ang paligid para mas lalo mong ma-appreciate ang mga makikita mo pagpasok mo sa kwartong ito.

Paglabas mo naman ay bubungad sa ‘yo ang lagusan patungong Secret Garden na nasa ilalim mismo ng forest mountain. Ito na rin ang magsisilbing lagusan palabas ng Cloud Forest.

Habang nasa Secret Garden ay kita mo pa din ang nasa itaas para sa mas maliwanag at maaliwalas na tanawin.

Iisipin mo namang isang malaking gagamba o monster pagtiningnan mo sa ibaba ang circular path na nilakaran mo kanina sa itaas. Nakakatuwa dahil naging ma-foggy ang itaas na parte ng lugar dahil sa mist na dulot ng waterfalls. Ito rin ang dahilan kung bakit ito tinawag na Cloud Forest.

May mga stalagmites at stalactites na iniligay sa paligid ng Secret Garden para mag-mukhang ikaw ay totoong nasa loob ng isang masukal na kagubatan.

Meron ka pang Giant Snail na makakasalubong sa loob ng Secret Garden habang ikaw ay papalabas na. Isa rin ito sa mga area kung saan magandang magpakuha ng litrato.

Bago ka tuluyang lumabas ay meron silang Gift Shop sa exit point para sa mga gustong magkaroon ng mga souvenir items o pampasalubong.

Maeengganyo kang bumili dahil sa dami ng items na pwede mong pagpilian at karamihan sa mga items na ito ay personalized o yung may mga marka ng Cloud Forest at ng ibang tourist spot sa Gardens by the Bay.

Ito ang isa pang parte ng pamamasyal namin dito sa Singapore at marami pang dapat abangan sa mga susunod kong post kaya sana ay makaantabay kayo. Hanggang sa susunod na post at sana isa din ito sa mapuntahan ninyo kapag kayo ay napadpad sa bansang Singapore.

Singapore Tour – Part 2: Gardens by the Bay

Isa ang Gardens by the Bay sa mga hindi nawawala sa listahan ng mga dapat puntahan ng mga turista kapag nasa Singapore. Galing Jalan Besar station ng MRT/LRT ay pwede kang bumaba after 6 stations sa Bayfront. Pagtapos ay pwede mo ng lakarin mula dito ang papuntang Gardens by the Bay. Siguro mga 5 minutes walk from Bayfront station ay mararating mo na ang lugar.

Pwede kang bumili ng ticket sa mga ticket booth sa entrance pa lang para sa mga pupuntahan mo sa loob ng Gardens by the Bay. Nasa loob kasi nito ang Cloud Forest at Flower Dome kung saan may bayad ang pagpasok. Mas makakatipid ka kung sa online ka na bibili ng ticket dahil discounted ang price nila doon. Sa Klook apps kami kumuha ng ticket kaya hindi na namin kailangan pumila pa para sa ticket pagpasok dito.

Kung gusto mo namang sumakay ng Shuttle Service ay pwede rin. Pero I suggest na mas mainam pa na maglakad na lang dahil along the way ay marami kang makikita na magagandang lugar na hindi mo dapat palampasin.

Sa entrance pa lang ay nandun na rin ang kanilang Gift Shop kung saan pwede kang mamili ng mga pasalubong o mga souvenir items na kadalasan ay dito mo lang mabibili.

Sa entrance pa lang ay marami ng magagandang spots ang makikita mo dito sa iyong paglalakad sa loob ng Gardens by the Bay. Kaya ito ang dahilan kung bakit mas masarap maglakad kesa sumakay sa Shuttle Service nila.

Sa loob ng Gardens by the Bay ay tanaw mo na ang napakalaki at napakagandang Marina Bay Hotel. Isa sa mga instagramable photo na pwede kang magselfie kahit nasa loob ka lang.

Sa di kalayuan ay kita na din sa loob ng Gardens by the Bay ang tinatawag nilang Singapore Flyer. Isa itong napakalaking Ferris Wheel na katulad ng sa London Eye o yung katulad sa Pinas na MOA Eye. Isa ito sa mga tourist spots na hindi mo dapat palampasin habang namamasyal ka sa loob ng Gardens by the Bay.

Marami pang magagandang tanawin ang makikita mo dito habang naglalakad ka sa kahabaan ng 101 hectares na nature park na ito. Kita din dito sa likod ang Super Tree Grove na aakalain mong malapit na lang pero malayo pa pala.

Meron din bridge na animo’y hanging bridge sa itsura n’ya. Dito ang magandang daan patungo sa Super Tree Grove dahil sa taas ng elevation ay kita mo na ang lawak ng buong paligid ng mas maganda.

Sa taas ng bridge ay kita mo ang mga naglalakihang figures na nasa gitna ng lake kung saan ay maganda rin magpakuha ng memorable pictures.

Sa kabila naman ng bridge ay nandun ang mga fountains at kita na rin ang Singapore Flyer at iba pang Super Tree Grove.

Sa paglilibot mo ay hindi ka naman maliligaw dahil may mga street directions na pangalan ng bawat lugar na gusto mong puntahan. Meron ding mapa sa side ng lugar kung nasaan ka na. Malinis ang kabuuan ng lugar na napapalibutan ng maraming puno at halaman.

Kung nasa kabilang side ka naman ay makikita mo naman yung bridge na pinanggalingan mo kung saan ka nagsimulang maglakad. Sa ganda ng mga tanawin ay kahit saan ka pumwesto ay talagang magandang kuhanan ng litrato saan mang anggulo.

Sa gabi naman ay pinatitingkad at pinaliliwanag ng mga naggagandahang ilaw at designs sa paligid ng Gandens by the Bay.

Meron din mga Chinese Balloon Lantern sa itaas habang naglalakad ka sa kahabaan ng park. Kahit gabi na ay mistulang may party sa loob sa dami ng mga pasabit at nakakaaliw na designs sa paligid.

Madadaanan mo din yung mga moving puppets na pinagagalaw ng mekanismo at walang taong nagpapagalaw o humahawak man lang nito.

Meron ka ring madadaanang malaking Floral Clock sa bandang gitna na tama at sabay sa oras ng relos mo.

Kahit madilim ay lumiliwanag naman ang gabi sa Silver Garden at masarap maupo at magpahinga pagtapos ng mahabang paglalakad sa loob ng Gandens by the Bay.

Sa di kalayuan ay may isang malaking tutubi na nakadapo sa nagiisang sanga. Maganda ang pagkakagawa nila dito na sumisimbolo sa Gardens by the Bay.

Pinakahuli sa lahat ang napakagandang view sa tabing ilog kung saan tanaw ang kabuuan ng Marina Bay Hotel. Isang napagandang pwesto para sa isang memorable photo.

Isang part pa lang ito ng aming paglalakbay sa bansang Singapore at marami pang dapat abangan sa mga susunod na post ko kaya sana ay subaybayan ninyo ang mga kasunod na yugto ng aming tour sa bansang Singapore.

Singapore Tour – Part 1: The Arrival

Isa ang Singapore sa pinuntahan ko kasama ni misis noong nagdaan bakasyon namin. Isa sa pinakamagandang lugar na malapit lang sa Pinas ang Singapore. Sakay ng Cebu Pacific Air ay almost 3 hours lang ang flight from Ninoy Aquino International Airport to Changi Airport ay mararating mo na ang Singapore.

Isa din ang Singapore sa pinakamalinis, pinakamaayos at pinakamagandang lugar sa Asia kaya maraming turista ang dito’y nagpupunta. Karamihan nga sa kanila ay dito na nanirahan dahil sa ganda at linis ng bansang ito. Ito rin ang mga dahilan kung bakit ang Singapore ngayon ay napakaunlad at nasa First World Coutries.

Sa Changi Airport pa lang nila ay magagandahan ka na dahil malinis, maganda ang design ng kabuuan ng kanilang airport, maayos ang lahat at dahil hindi na nga kailangan ng mga Pinoy ang visa pagpunta dito ay mabilis lang din ang proseso ng pagpasok.

Sa airport na kami nagpapalit ng pera from Philippine Peso to Singapore Dollar na ang palitan ng araw na iyon ay 1SGD=38.5PHP. Narito ang ilan sa mga denominations ng kanilang pera.

Sa airport na rin kami bumili ng kakailanganin naming card para sa pagsakay namin ng MRT/LRT o bus pati na ang sim card na gagamitin namin sa kabuuan ng stay namin sa Singapore. Ito ang card para sa MRT/LRT station at pwede rin gamitin kung sasakay ka ng bus. Kumbaga all in one na. Nagkakahalaga ito ng 7 SGD at pwede mong loadan sa mga machine sa kahit saang station ng MRT/LRT kung maubos na.

Ito naman ang sim card na nabili namin na nagkakahalaga ng 18 SGD. Mahalaga ito para sa tour namin dahil kailangan namin ng mobile internet sa aming paggala dito sa bansang Singapore. Ang kagandahan nito ay pwede mo s’yang gamitin sa maraming bansa dito sa Asia na naka-auto roaming, ise-set mo lang sa setting ng mobile at ok na.

Sa airport nila pwede mong makuha ng libre ang mga leaflets o booklets para sa visitor’s o tourist’s guide at map ng singapore para hindi ka maligaw kung sakaling magko-commute ka lang. Malaking tulong ito para sa mga bago pa lang nakapunta sa Singapore.

Paglabas mo ng Changi airport ay may mga libreng bus na papuntang MRT/LRT o kaya naman ay papunta sa kabilang terminal ng airport. Kaya hindi ka na mahihirapan kung saan ka man papunta pagtuntong mo ng Singapore.

Meron na rin kaming ready na train map dahil sa buong tour namin dito ay madalas na MRT/LRT ang sasakyan namin.

From Changi airport ay papunta kami ng Expo Station ng Downtown Line ng MRT/LRT at dun naman kami sasakay ng papuntang Jalan Besar kung nasaan ang hotel na tutuluyan namin. Sa pagdating mo sa station ay malinaw ang mga signs and directions na makikita mo kaya hindi ka maliligaw basta magbasa ka lang. Lahat naman ay in English words kaya hindi ka mahihirapan. Maganda at maayos ang transportation system nila dito sa Singapore at kahit saang lugar ka papunta ay siguradong merong MRT/LRT station na malapit.

Maayos at malinis ang mga MRT/LRT station nila dito sa Singapore at lahat ng tao ay sumusunod at may disiplina, mapa-turista man o lokal. Every 5 minutes din ay meron ng train na dumarating kaya hindi ka maghihintay ng matagal.

Sa loob naman ng train ay napakaluwag at napakalinis. Kumbaga hindi ka makikipagsiksikan at maaliwalas ang pakiramdam mo sa buong byahe mo. In short walang stress sa pagsakay mo sa kanilang MRT/LRT.

Malinaw din ang route directions ng bawat lugar kung saan hihinto ang train na nakailaw sa taas lamang ng train doors. Merong din mga monitors sa loob at voice over na magsasabi kung nasaang station ka na at kung ano ang susunod na train stop.

Mabilis at maaliwalas ang pagbyahe sa MRT/LRT nila kaya madali kang makakarating sa iyong pupuntahan. Sa Jalan Besar malapit ang nakuha naming hotel kaya dito ang final destination namin. Bago pa man kami pumunta dito ay inaral na namin ang lahat patungkol dito, kung saan kami sasakay, saan kami bababa at kung saan kami papunta.

Meron ding mga locality map sa bawat station na makakatulong sa ‘yo para madali mong makita ang eksaktong lugar na pupuntahan mo paglabas mo ng MRT/LRT station.

Sa Hotel 81 Dickson kami nagstay at maganda ang place na napili namin dahil ang hotel ay tapat lang ng istasyon ng MRT/LRT. Dahil dito ay magiging madali para sa amin ang pumunta sa iba’t ibang lugar na pwede naming puntahan.

Mababait din ang mga hotel staff, friendly at very accomodating. Nabasa naman namin ang mga reviews sa hotel na ito bago namin kinuha kaya alam namin na magiging okay ang lugar na ito para sa amin.

Sa baba naman ng hotel ay marami ng makakainan na iba’t ibang putahe. Karamihan ay mga Chinese, Singaporean at Indian food ang mapagpipilian. Mas pinili namin ang Chinese food dahil di naman talaga namin alam ang lasa kung magugustuhan ba o hindi kaya dun na kami sa sigurado.

Ang maganda pa sa hotel na napili namin ay meron ng 7-Eleven na malapit kaya hindi na problema ang mga pagkain, inumin at kung ano pang mga kakailangan mo.

Medyo may kamahalan nga lang ang mga bilihin dito sa Singapore kung iko-convert mo sa Philippine peso. Kaya kung pupunta ka dito ay huwag mo dapat isipin ang money convertion dahil talagang mahal ang mga bilihin dito.

Sundan n’yo lang ang iba pang mga susunod na post ko tungkol sa Singapore Tour naming mag-asawa at siguradong marami pa kayong dapat abangan sa kabuuan ng aming pagpasyal sa bansang Singapore.

Hurom-Hurom Cold Spring Resort

Hurom-Hurom Cold Spring Resort
Nabas, Aklan Philippines

Matatagpuan sa Laserna, Nabas Aklan, ang “Hurom Hurom Cold Spring Resort” ang isa sa pinakamagandang resort na pwedeng puntahan. Fresh, malamig at malinis ang tubig na nagmumula pa sa taas ng bundok. Tamang-tamang ang pagswimming dito sa panahon ng taginit dahil sa malamig na tubig nito. Ang paligid ay napagigitnaan ng mga naglalakihang mga bundok tapos puro halaman at puno ang sa paligid at makikita.
Napakaganda ng lugar, sariwa ang hangin, tahimik at malayo pa sa ingay at polusyon ng syudad. Talagang marerelax ang katawan mo pati na ang isipan. Marami ding cottages na mapagpipilian sa murang halaga at pwede ka rin magdala ng pagkain at magluto kung nanaisin mo. Meron din videoke machine area na kung saan pwede kang kumanta ng paborito mong kanta kasama ng iyong pamilya at kaibigan.
Sobrang every photos are worth taking dahil sa ganda ng paligid sa iba’t ibang angulo. Pwedeng magselfie kahit saang parte ng resort na ito. Kasama ng iyong pamilya, kaibigan at barkada, napakagandang experience ito na dapat maisama sa isa sa iyong mga travel experience.


Tibiao Kawa Hot Bath and Eco-Park Adventure

Nakaligo ka na ba sa isang “Kawa” habang ito ay nakasalang sa apoy? Ang “Kawa” ay isang kasangkapan sa pagluluto sa Pilipinas noon unang panahon. Kadalasan ginagamit pa din sa ilang probinsya ang ganitong uri ng kasangkapan sa pagluluto.

Sa Antique, may isang adventure ang pwede mong gawin kung saan pwede kang maligo sa isang kawa habang nakasalang sa apoy. Ito ang Tibiao Kawa Hot Bath na matatagpuan sa Calawag Mountain Resort sa barangay Tuno, Tibiao, Antique. Kasama na sa adventure na ito ang pamamasyal sa napakagandang Eco-Park na nasasakupan ng barangay nito.

Pagpasok mo pa lang bubungad na sa ‘yo ang napakagandang tanawin sa paligid at sariwang hangin. Sobrang tingin mo pa lang ay talagang marerelax ang iyong sarili sa nakikita mo sa paligid.

 

 

Puro puno sa paligid at sa di kalayuan ay matatanaw ang bulubunduking tanawin. Sa harap mo naman pumapagaspas ang tubig sa sapa na animoy nanghihikayat na ikaw ay dapat magtampisaw at maligo dito.

 

 

Sobrang puro kulay berde ang paligid at ang hangin napakasariwa dahil malayo sa mga usok ng sasakyan sa kanayunan.

 

 

Sa mabatong gilid ng sapa ay magandang kumuha ng larawan kung saan ang alon ay banayag, malinaw at napakalinis ng tubig.

 

 

Meron ding slide na gawa sa kawayan para medyo may konting thrill ang pagdausdos mo sa tubig kung ikaw ay maliligo sa sapa.

 

 

Meron din hanging bridge sa di kalayuan na pwede mong gamitin papunta sa kabilang bayan at malibot ang kabuuan ng eco-park.

 

 

Ang pinakapinupuntahan talaga dito ay ang paliligo sa isang kawa kung tawagin nila ay Tibiao Kawa Hot Bath. Bago painitin ang tubig ay lalagyan muna ito ng mga halamang gamot na makakatulong sa iyong balat at pati na sa buong katawan.

 

 

Pagtapos ay aapuyan na ang kawa para uminit ang tubig sa loob nito. Depende na lang sa ‘yo kung gaano kainit ang kaya mong tiisin pero kadalasan ay medyo pinapalamig ito ng kaunti hanggang sa maging maligamgam. Para na rin maenjoy mo ng matagal ang pagbababad sa tubig habang ikaw ay nasa kawa.

 

 

Habang nasa kawa ka naman ay pwede ka mag-meditate kung gusto mo para mas gumaan ang pakiramdam mo at mabawasan ang mga stress mo sa katawan at pagiisip. Maganda ito para marelax ang iyong katawan at para na rin magkaroon ng magandang harmony ang iyong mind and body.

 

 

Kung magutom ka naman ay pwedeng magpaluto ng pagkain at kumain sa isang hapag kainan sa taas ng isang puno at pagmasdan ang ganda ng tanawin. Masasabi kong isang magandang stress reliever ang pagpunta dito dahil maeenjoy mo ang bawat sandali sa maayos, malinis at tahimik na lugar na malayo sa polusyon ng kapatagan.

 

 

Ito ang simpleng adventure namin sa Tibiao, Antique at marami pang pwedeng mapuntahan at gawin dito sa Antique. Kaya isama n’yo na ang Antique sa mga lugar na gusto n’yong puntahan pagdating ng araw.

 

Dubai

Isa sa mga lugar sa ibang bansa na napuntahan ko na din ay ang Dubai na matatagpuan sa United Arab Emirates. Ang kagandahan kung bakit ako nakarating dito ay dahil sa trabaho. Maraming magagandang lugar ang matatagpuan sa Dubai kaya marami ang dito’y gustong makapunta. Maswerte ako dahil nga sa trabaho ay pwede kong mapuntahan ang iba’t ibang lugar sa Dubai kapag araw na wala akong pasok.

Dubai International Airport

Isa ang Dubai sa may pinaka-malaki at pinaka-magandang paliparan sa buong mundo. Marami din ang dito’y pansamantalang humihinto papunta sa iba’t ibang dako ng mundo. Sa laki at lawak nito pati mga billboards ay naglalakihan din gaya na lang ng nasa likuran ko sa larawang ito.

Meron ding mga flight information monitor sa maraming lugar para sa lahat ng mga pananakay o turistang dito ay pumupunta.
Sa bawat lugar ng airport at mayroong mga halaman at puno na nagpapaaliwalas at nagbibigay ng magandang hangin sa buong kapaligiran.
Isa rin sa magandang parte ng airport sa Dubai ang Emirates First Class Lounge. Dito pwede kang makapag-relax na para bang ikaw ay isang VIP o yayamaning manlalakbay.
Sa dami ng mga flights at taong paroo’t parito sa airport na ito, aakalain mong ikaw ay parang nasa isang malaking mall lang.
Burj Al Arab

Isa sa pinakamagandang puntahan sa Dubai ay ang Burj Al Arab. Isa sa pinakamamahaling hotel at pang-lima ito sa pinakamataas na hotel sa buong mundo.

Jumeira Beach Park

Sa di kalayuan naman ay naroon ang Jumeira Beach Park na madalas puntahan ng mga tao sa Dubai.

Pagpasok sa beach park sasalubong sa ‘yo ang mga tulad nitong kabayong estatwa at sa laki at ganda ng kulay nito ay talagang pansinin ng tao na magandang kuhanan ng litrato.
Kung ayaw mo naman maglakad ay pwede ka namang umangkas sa mga golf cart na makikita sa paligid, magpaalam ka nga lang para malibre ka.
Jumeira Beach
Sa loob ng Jumeira Beach pwede mong matanaw sa di kalayuan ang Burj Al Arab. Napakaganda at napakalawak ng beach front at ito ay libre sa sino mang gustong mamasyal at maligo sa dagat.
Mall of Emirates
Isa pa sa magandang puntahan sa Dubai ay ang kanilang mga Malls. Isa sa pinakasikat dito ang Mall of Emirates o Emirates Mall. Malawak ang mall na ito at maraming pwedeng gawin at puntahan.
Kapag nagutom ka naman sa pamamasyal sa Emirates Mall ay pwede ka kumain sa malawak na Food Court kasabay ng iba’t ibang lahi na dito’y namamasyal din.
Dubai Mall
Isa pa sa pinakasikat na mall sa Dubai ang kilalang Dubai Mall. Pangalawa sa pinakamalaking mall sa buong mundo na mayroong mahigit 1,200 shops sa loob nito. Ang Dubai Aquarium & Underwater Zoo na nasa loob ng Dubai Mall ang isa sa main attraction nila dito.
Dubai Aquarium and Underwater Zoo
Dubai Creek
Isa rin sa magandang puntahan sa Dubai ay ang Dubai Creek. Dito pwede kang sumakay ng bangka galing ng Deira papuntang Bur Dubai. Sa lawak at haba ng creek na ito kung babaybayin mo ay pwede kang makarating ng Al Ain gamit lang ang bangka.
Ilan lang ito sa mga napuntahan ko na sa Dubai at marami pang mga magagandang lugar ang pwedeng puntahan sa Dubai. Sana mag-enjoy kayo at mapuntahan ang iba pang magagandang lugar sa Dubai kapag kayo naman ang nakarating dito.

Villa Escudero Plantation and Resort

Ang Villa Escudero Plantation and Resort ay isang 800 hectares plantation and hacienda na matatagpuan sa south city ng San Pablo, Laguna Province at border ng Quezon Province. Sa lawak ng haciendang ito ay tatlong munisipalidad ang sumasakop sa kanya sa dalawang probinsya, ang San Pablo City sa Laguna at Tiaong at Dolores naman sa Quezon Province.

Si Don Arsenio Escudero ang nagmamay-ari nito na pamana sa kanya ng magulang na sina Don Plácido Escudero at ng asawa nitong si Doña Claudia Marasigan. Noong una isa itong sugarcane plantation at kalaunan ay ginawang coconut plantation ni Don Escudero.

Church of the Ascension

Una sa mapapasyalan dito ang lumang Church of the Ascension na ngayon nga ay ginawa na ring Museum. Sa loob nito makikita mo ang iba’t-ibang private collection ng pamilyang Escudero.

Garden at Scenery

Sa paglilibot naman madadaanan mo ang napakagandang tanawin na animo ikaw ay nasa lumang panahon. Sobrang relaxing sa katawan ang fresh air sa paligid dahil na rin sa ang lugar ay napakalinis at napalilibutan ng mga halaman at puno. Sa tanawin pa lang ay gagaan na ang loob mo at mawawala ang mga stress mo sa buhay.

Pwede ka rin maglaro at magbalik sa kabataan noong unang panahon na parang nasa kabukiran lang at sumakay sa estatwang kalabaw.

Sa paligid din mapagmamasdan mo ang isang bahay kubo at ang mga gawain ng ating ama’t ina o lolo’t lola noong mga unang panahon.

 Higantes

Sa pamamasyal din sa loob ng hacienda makakasalamuha mo ang mga “Higantes” na nakasuot ng mga Baro’t Saya na lumang kasuotan noong unang panahon na may kasama pang anghel sa lupa.

Hydroelectric Power Plant Labasin Dam

Dito rin tinayo ni Don Arsenio Escudero at ng kanyang asawang si Doña Rosario Adap ang country’s first working hydroelectric power plant at ito ang “Labasin Dam”. Dahil sa lawak ng lugar na ito kinailangan nila ang Dam na ito para suplayan ang kanilang coconut factory at plantation.

 Karo’t Kalabaw

Sa loob din ng hacienda, masasakyan mo ang totoong “Karo’t Kalabaw”. Itong yung means of transportation noong mga unang panahon. Ang karo ang sasakyan ng tao habang hila-hila ito ng kalabaw. Bihira na nating makita ang mga ganitong uri ng sasakyan at halos wala na nga ito sa panahon ngayon. Ito ang magdadala sa mga bisita ng hacienda patungo sa resort area.

Labasin Waterfalls Restaurant
Ito ang pinaka-main attraction ng Villa Escudero, ang “Labasin Waterfalls Restaurant”. Ito rin ang dahilan kung bakit dinarayo ng maraming turista ang hacienda na ito. Matutunghayan mo kasi ang waterfalls habang ikaw ay kumakain ng masasarap na pagkain. Unlimited ang pagkain dito at sa sarap ng mga pagkain dito talaga namang mabubusog ka pagtapos. Lahat ng pagkain dito ay lutong Pinoy na nakalagay sa palayok o sa dahon ng saging. Ganito ang buhay noon na hindi pa uso ang mga mamahaling lutuan at gamit sa kusina.
Ang kagandahan dito habang kumakain ka ay humahampas naman sa paa mo ang running water mula sa waterfalls na para ka lang kumakain sa gitna ng ilog o batis na napapaligiran ng mga punong kahoy. Maaliwalas ang pakiramdam habang kumakain at masaya dahil parang nagbabalik-tanaw ka sa nakaraan.

Theater and Cultural Dance
Pagtapos kumain ay pwede ka naman manood ng Cultural Dance na tampok ng pamunuan ng hacienda para sa mga turista. Tampok dito ang kultura nating mga pilipino noong unang panahon kasabay ng pagsasayaw o yung tinatawag nilang “Tinikling Dance”. Sa mga kasuotan pa lang ng mga nagtatanghal mararamdaman mo kung gaano kaganda at kayaman ang kultura nating mga pilipino.

Slides and Swimming Pool
Meron ding mga slides at swimming pool na pwedeng pagliguan maliban pa doon kanina sa waterfalls. Maganda ito para sa mga gustong mag-overnight at dun sa mga galing pa malalayong lugar.

Labasin Lake
Isa pa sa mga magagandang attraction dito sa Villa Escudero ang pagpa-Paddling sa Labasin Lake. Pwede kang sumakay sa boat na gawa sa kawayan at mag-sagwan sa kahabaan ng lake. Kailangan mo magsuot ng life vest habang nagsasagwan dahil medyo malalim ang lake na ito for safety purposes. Meron namang mga life saving team sa paligid para masiguro ang kaligtasan ng bawat turista na susubok ng ganitong adventure. Nakakatuwang pagmasdan na para kang nasa kanayunan at payapa ang buhay na puno ng saya at katiwasayan kasama pa dyan ang napakagandang kapaligiran.

Pier at Bahay Kubo
Sa pier na ito nagaantay ang mga gustong sumubok para makapag-paddling sa kawayang bangka. Halos lahat ng bumibisita sa hacienda ay hindi pinapalagpas na masubukan ang adventure na ito. Malawak ang lake kaya halos matatagalan ka bago makabalik sa pier pero worth naman ang ride dahil sa ganda ng tanawin at maaliwalas ang paligid.

Kung gusto mo namang mag-overnight stay sa Villa Escudero ay maraming bahay kubo na pwede kang mag-stay at dito mo mae-experience ang manirahan sa isang bahay kubo. Ang kagandahan dito ay pwede ka rin magluto gamit ang mga makalumang paraan ng pagluluto noong unang panahon. Kung ayaw mo naman ay pwede ka na lang magpaluto at ihahatid na lang sa iyo sa loob ng iyong bahay kubo.

Napakasarap ng feeling kapag pumasyal ka sa lugar na ito. Para kang nagbabalik-tanaw o namumuhay noong mga panahon na kay linis ng hangin at maaliwalas ang paligid. Lahat ng makikita mo sa kapaligiran ay puro halaman at puno at ang malawak na magandang tanawin. Sobrang napakasimple ng buhay at nakakawala ng stress sa buhay at ang maganda pa dito ay walang polusyon na nanggagaling sa mga usok ng sasakyan. Maluwag ang paligid at walang masyadong tao at napakatahimik. Tanging huni ng ibon at pagaspas ng mga puno at dahon ang maririnig mo sa paligid. Totoong kay sarap balikan ang nakaraan kahit sa isang saglit lang sa pagpasyal sa Villa Escudero, kaya ‘wag mo ng palampasin na isama ito sa mga listahan ng gusto mong puntahan kapag ikaw ay nagbakasyon.

Hongkong

Isa pa sa mga napuntahan ko ng lugar ay ang Hongkong. Ang kagandahan dito ay hindi mo na kailangan ng visa para makapasok at makapasyal. Passport lang at tiket ayos na. Yung lang medyo saglit lang kami dito dahil biglaan kaya iilan lang sa mga magagandang lugar dito ang napuntahan ko.

Hongkong Airport (Chek Lap Kok Airport)

Sa laki pa lang ng airport nila masasabi kong isa ito sa mga pinakamalalaking airport sa buong mundo. Hindi magkamayaw ang mga tao dito sa dami ng mga flights araw-araw patungo sa iba’t ibang panig ng mundo. Isa rin ito sa world’s eight busiest airport in terms of total passenger traffic annually. The airport was our first pit stop on my journey to the “Harbour of the Fragrant Aroma”.

On the way to Downtown madadaan mo ang naggagandahang infrastructure sa Hongkong na aakalain mong nasa US ka dahil sa ganda din ng bridge na aming dinaanan.

Downtown Hongkong

Ito ang isa sa mga busiest na lugar dito sa Hongkong. Ang mga tao dito parang laging nagmamadali at may pupuntahan. Nakasakay kami sa doble decker bus kaya kita ko lahat ng nakapaligid sa harap at hindi traffic ng araw na bumabyahe kami. Karaniwan daw traffic sa lugar na ito dahil sa dami ng tao at ang kahabaan nito ay puro commercial establishments.

Harbour City / Ocean Terminal

Ang pinakamalaking daungan ng malalaking cruise ship papunta at paalis ng Hongkong ang tinawag nilang “Ocean Terminal”. Ang ocean terminal ay matatagpuan sa Harbour City. Dahil nga sa daungan ito ng mga naglalakihang cruise ships, ito ang nagiging centro ng turismo sa parteng ito ng Hongkong. Sa Harbour City din kasi matatagpuan ang malalaking mall sa Hongkong kaya isa ito sa mga pinakasikat na puntahan ng mga turista.


Madame Tussauds (Wax Museum)

Isa pa sa magandang puntahan sa Hongkong ay ang Madame Tussauds (Wax Museum). Ito ay isang part ng mga renowned chain of wax museums na tinatag ni Marie Tussaud ng France. Matatagpuan ito sa Peak Tower ng Hongkong Island. Matutuwa ka sa pagpunta dito dahil makikita mo ang mga life size ng mga sikat na artista sa buong mundo na gawa sa wax.

Isa na rito ang sikat na si Mr. 007: Jame Bond. Kuhang-kuha ang itsura at pustura na aakalaing mong parang s’ya ay totoong tao.

Mr. 007 “James Bond”

Syempre mawawala ba dyan ang isa sa mga sikat na artista na sa Hongkong nagmula. Walang iba kundi si Mr. Nice Guy: Jackie Chan. Ang height pati ang kanyang mga ngiti ay gayang-gaya sa pagkakahubog ng wax image ni Jackie Chan.

Mr. Nice Guy “Jackie Chan

Victoria Peak

Ang Victoria Peak ay matatagpuan sa bulubunduking parte sa Western half ng Hongkong Island. Kilala ito sa English name na “Mount Austin” o sa local name nitong “The Peak”. Ito ang isa sa pinakamataas na lugar sa Hongkong. Matatanaw mo mula dito ang kabuuan ng Central, Victoria Harbour, Lamma Island at marami pang lugar sa baba nito.


Isang maganda sa pagpunta sa The Peak ay ang pagsakay ng Peak Tram. Animoy para kang nasa roller coaster sa sobrang tarik ng pagbyahe habang umaakyat ang tram papunta sa pinakatuktok ng bundok. Pagdating mo sa taas, ang ulap ay nahahawakan mo na sa sobrang taas ng elevation. Sa taas parang nanliit ang mga high rise buildings sa ibaba ng Victoria Peak at paligid ng Hongkong.

Isa sa magandang journey ko ang Hongkong travel. Maeenjoy mo ang bawat oras, sayang nga lang at para sa akin ay kulang pa ang stay namin doon. Marami pa kasing magagandang lugar sa Hongkong ang hindi ko napuntahan dahil sa kakulangan ng oras at araw. Next time I will make sure that I have all the time in the world to visit other beautiful places in Hongkong.

Until next time and I hope you enjoy seeing my travel in Hongkong. Make this place as one of the places to visit in your bucket list. Always stay happy ‘coz life is beautiful.

Boracay

Nakapunta ka na ba sa Boracay? Kung hindi pa ay dapat mapuntahan mo ito kung kaya rin naman ng budget mo. Isa ang Boracay sa mga pinakamagagandang lugar sa Pinas. Bukod sa White Sand, marami kang pwedeng gawin o maging adventure sa Boracay na makikita mo sa mga pictures ko sa ibaba. O kaya naman ay gusto mo lang mag-unwind at mag-relax.

Bagay na bagay ang Boracay sa matagal ng bakasyon at pahinga na inaasam-asam mo. Maliban pa sa Night Life na pinakikinang ng mga nagliliwanag na Fire Dance na makikita mo sa paglalakad mo sa ilang kilometrong white sand ng Boracay at ang napakalinaw na beach water.

________________________________________________________________________

White Sand

Isa ang white sand kung bakit sikat na sikat ang Boracay sa maraming turista. Halos kabuuan ng isla ay nababalot ng nagpuputiang buhangin sa beach front.

Wala pa dyan ang naggagandahang tanawin sa paligid at mga turistang gustong nais takasan ang lamig o init ng klima sa kani-kanilang bansa.
________________________________________________________________________
Fly Fish Sailing
Isa pa sa magandang gawin sa Boracay ang Fly Fish Sailling. Katulad din ito ng Banana Boat Sailing na karaniwang makikita sa isla pero ang isang ito ay medyo may pagka-extreme. Dahil talagang itataas ka at halos parang mahuhulog ang puso mo sa takot sa extreme adventure na ito.
________________________________________________________________________
Parasailing
Ito naman ang pinakagusto ko sa lahat ng adventures na nagawa ko na sa Boracay, ang Parasailing. Para kang nakasakay sa eroplano pero upuan lang ang meron at kita mo ang lahat ng tanawin sa paligid at sa ibaba mo. It’s like you’re flying without wings.
________________________________________________________________________
Rock Climbing
Meron din Rock Climbing wall para sa mahihilig sa ganitong extreme sports. Dito talagang pagpapawisan ka kung hindi mo hilig ang ganitong adventure dahil medyo may kataasan ang aakyatin mo pero meron namang safety harness at personnel na magbabantay at sisiguraduhin ang safety ng sinumang susubok nito.
________________________________________________________________________
Go Kart
Sa Boracay pwede ka din sumakay at mag Go Karting. Kasama ng mga friends maganda din itong racing adventure at talaga namang matutuwa ka dahil sa adrenaline na dala nito. Para kang nasa car racing event dahil meron din start and finish line. Hindi lang pambata dahil pwede rin ito sa matanda. Huwag magalala dahil kahit hindi ka marunong ay may magtuturo naman sa ‘yo bago ka sumabak sa adventure na ito.
________________________________________________________________________
Angry Bird
Dito sa Boracay pwede mo rin makita at makalaro ang mga Angry Birds tulad ni “Red” the angriest bird sa grupo. Life size silang lahat kaya matutuwa kang magpakuha ng pictures kasama nila.
________________________________________________________________________
The Food
Itong part na ‘to ang isa din sa pinakagusto ko. Kasi nga you get to choose whatever food you want. Sa dami ng pagpipilian eh magkakanda-duling ka sa pagtingin pa lang sa iba’t ibang pagkain. Marami ng kainan sa buong Boracay at dahil nga sa dami ng mga turistang pumupunta dito, you can have your food in different cuisine like Native, Chinese, Japanese, Korean or even European food.

________________________________________________________________________
Henna Tattoo
Sa Boracay pwede ka rin magpa-henna tattoo. Maraming magagaling magtattoo sa kahabaan ng Station 2 ng Boracay. Marami din design na mapagpipilian at bawat artist may kanya-kanyang compilation ng mga nagawa na nilang tattoo design.
________________________________________________________________________
Fire Dance
Last but not the least, isa din sa mga dahilan kung bakit dinarayo ng maraming turista ang Boracay ay ang “Fire Dance”. Ito ang isa sa mga main attraction sa Boracay tuwing gabi. Kaya sumisigla ang night life sa isla ay dahil sa galing ng mga Fire Dancers. Pakulo din ito ng mga restaurant owner para makaakit ng customer sa kanilang kainan. Syempre masarap kayang manood ng mga ganitong show habang kumakain o nakaupo sa couch at pinapanood kung paano sila sumayaw habang nagpapaikot ng apoy kasabay ng dance music.
Ito ang kabuuan ng aking Boracay Experience at dahil sa ganda nito balak ko ulit pumunta dito sa aking bakasyon. I hope you enjoy reading my Boracay Escapade and try to include this place in one of your Bucket List. Thanks for passing by and enjoy ’cause life is beautiful.