Philippine Stock Market Losers and Gainers – January 22, 2020

Why Do We Need To Learn How To Invest?

Bakit nga ba natin kailangan mag-invest o matutong maginvest? Maganda ba ito at makakatulong ba ito para sa atin? Ano ba ang mga maidudulot nito para sa atin at para sa ating future? Kaya ko bang gawin ito kahit simpleng tao lang ako na may maliit lang na sweldo o kinikita sa araw-araw?

Ang pag-iinvest ang isa sa mga kailangan natin matutunan habang maaga pa at bata pa tayo. Alam naman natin na ang mundo natin sa ngayon ay pinapaikot ng pera. Bawat galaw mo ay may kaakibat na halaga. Sa karamihan sa atin kadalasan ay hindi sapat ang kinikita natin sa ating pagtatrabaho o kaya naman ay kahit gaano ka na katagal nagtatrabaho ay wala ka pa din naiipon hanggang ngayon.

Kaya kailangan talaga natin ang katuwang upang sa gayon pagdating ng panahon ay hindi na natin kailangan gamitin ang sarili nating lakas para kumita ng pera at hayaan ang pera ang s’yang magtrabaho para sa atin.

Isa ang pag-iinvest sa napakahalagang paraan para makatulong sa atin lalo sa hinaharap. Kadalasan kasi hindi ito tinuturo sa eskwelahan lalo na ang tungkol sa financial literacy kaya iilan lamang ang nakakaalam ng kahalagahan nito. Kung minsan kahit nga hanggang makatapos ka na sa iyong pagaaral ay hindi mo pa rin ito nagagawang matutunan.

Sa aking sariling experience ganun din ang nangyari. Hindi kasi ito tinuro nung nagaaral pa ako kaya late ko na nalaman ang kahalagahan nito. Kaya naman simula ng dumating sa buhay ko ang pagiinvest ay agad ko itong pinagaralan para matutunan.

Kaya naman gusto kong sa pamamagitan nito ay makatulong ako sa iba sa aking munting kaparaanan para mabuksan ang isipan ng iba na wala pang alam tungkol sa financial literacy. Mas maganda kasi kung bata ka pa ay malaman mo na ito para pagdating ng panahon na matanda ka na ay hindi ka na masyadong mahirapan sa buhay at maabot mo ang mga pangarap mo sa mas madaling panahon.

Maraming paraan kung paano ka pwedeng mag-invest. Narito ang ilan sa mga pwede mong maging investments para makatulong sa ‘yo patungkol sa inyong financial goals at para na rin magkaroon ka ng idea habang maaga pa kung saan at paano nga ba matutong maginvest.

Stocks

Isa sa pwede mong maging investment ay ang pagiinvest sa stock market. Dito ay para ka na rin nagiging part owner ng mga kilalang kumpanya sa Pinas tulad ng Jollibee, SM, PAL, Cebu Pacific, BDO, BPI, Puregold at marami pang iba. Isa itong investment vehicle para mapalago ang iyong financial status tulad ng mga kilalang mga taong nagtagumpay sa mundo ng investing tulad nila Warren Buffet, Benjamin Graham,Peter Lynch, William Gross at marami pang iba.

Narito ang link na may 20 parts na sa ngayon, ang “Stock Market – Part 1: What is the Stock Market?” kung paano kayo makakapag-umpisa sa pagiinvest sa stock market at kung ano ang mga dapat ninyong malaman tungkol sa pagiinvest sa market na ito.

Mas maganda aralin muna ang lahat bago pumasok dahil ang pagiinvest dito ay may mga kaakibat na mga risks. Dapat kasi alam mo yung ginagawa mo at alam mo kung ano ang pinapasok mo para hindi ka maging ignorante at maayos mong mapalago ang iyong investment kung sakaling ito man ang piliin mong gawin.

Mutual Funds

Ang mutual fund naman ay isa ring investment vehicle tulad ng pagiinvest sa stocks. Dito naman ay pinagsasama-sama o kinokoleta ang mga pera ng mga investors para ilagak o i-invest sa mga securities tulad ng stocks, bonds, money market instruments, at iba pang mga assets. Katulad din ito ng mga ginagawa ng mga bangko kung saan ang mga perang dinideposit natin ay kanila ring iniinvest sa ibang instrumento ng pagpapalago ng pera.

Di tulad sa stocks na ikaw ang may buong kontrol sa iyong investment, dito sa mutual fund ay mayroong kang katuwang na fund manager na bihasa sa ganitong mga investments para palaguin ang mga pera ninyo o ng mga investors.

Real Estate

Sa real estate naman ay pwede ka rin mag-invest tulad ng ginagawa ko. Sa post kong ito na pinamagatang, “A Good Investment Vehicle and Passive Income Generator” ay inilahad ko ang patungkol sa aking investment sa real estate. Simple lang ang investment na ito pero sigurado namang makakatulong sa ‘yo ng malaki kung paano nga ba pwedeng maginvest sa real estate.

Ang maganda kasi sa pagiinvest sa real estate ay talagang lalago ang investment mo pagdating ng panahon dahil taun-taon ay tumataas ang presyo nito na parang isang ginto. Pero dapat nating tandaan na ang bahay o anumang real estate ay nagiging investment lang kung ito ay nagpapasok ng pera para sa atin o sa madaling salita ay kumikita tayo sa pamamagitan nito.

Business / Franchise

Ang isa pa na pwede mo rin maging investment ay ang business o franchising. Marami na ngayon ang nagpa- franchise ng kanilang negosyo na nasimulan at umunlad. Tulad na lang ng Mang Inasal, 7 Eleven o kaya naman ay mga food cart franchising business. Sa internet nagkalat na ang ganitong mga negosyo na makakatulong sa ‘yo upang magkaroon ka ng sarili mong negosyo.

Yung iba naman ay nago-online selling o business dahil ito ang patok ngayon at hindi nangangailangan ng masyadong malaking halaga. Makikita mo sa facebook na napakaraming gumagawa nito at marami din ang kumikita sa ganitong business.

Ang maganda kasi dito ay pwede mong gamitin ang social media ng libre para i-promote ang business mo at makita ng maraming tao na mayroong facebook account para mas marami kang customer na makuha.

Pwede din naman na kung ikaw ay nasa bahay at magtinda ng mga pagkain sa harap ng iyong bahay o kaya naman ay magkaroon ng mga mobile loading station, remittance center o kaya naman ay sari-sari store.

Hindi ka mauubusan ng anumang negosyo na pwede mong pasukin lalo pa’t tayo ngayon ay nasa millenial stage na kung saan ang lahat ng impormasyon ay madali mo na lang makikita sa internet o mapapanood sa youtube.

Self Investment

Ang huli ngunit ang pinaka-importante sa lahat ay ang pag-iinvest sa sarili natin, maging ito ay kaalaman, karunungan, kalakasan o kasanayan. Kahit ano pa man yan mas mahalaga na maginvest ka sa sarili mo dahil ito ang magbibigay sa ‘yo ng tunay na investment na kailanman hindi pwedeng malugi, manakaw ng iba o mawala sa ‘yo.

Maging ito man ay pamumuhunan sa pag-aaral ng isang bagong kasanayan, paghasa sa iyong sarili o propesyon, pagpapaunlad ng iyong sariling hilig o kakayahan na kung saan pwede kang sumali o dumalo sa ilang training sessions, seminars o kaya naman ay mag-hire ng mga magtuturo sa ‘yo.

Kailangan unahin mo munang tulungan ang sarili mo bago ka tumulong sa iba. Kasama na rito ang pagkakaroon mo ng iyong sariling insurance maging ito man ay health insurance o life insurance. Sa ganitong paraan kasi ay mas makakatulong ka ng maayos dahil may sapat ka ng kakayahan at resources at naisaayos mo na ang sarili mo kasama ng iyong pamilya.

Maganda rin ang pagbabasa ng mga libro at isa na dito ang libro ni Robert Kiyosaki na pinamagatang “Rich Dad Poor Dad, kung saan ako namulat sa mundo ng financial literacy at investment.

Marami pang libro ang pwedeng makatulong sa ‘yo para matutunan mo ang iba’t ibang mga kaparaanan kung paano nga ba mag-invest at paano mo ito matututunan. Pwede mo rin gamitin ang internet, facebook o maging ang youtube para makakuha ng mga impormasyon na kailangan mo patungkol sa pagiinvest.

Sa ngayon kasi lahat halos ng kailangan mong impormasyon ay mababasa o mapapanood mo na sa internet dahil karamihan ay ito rin ang ginagamit na medium para ituro sa iba ang kanila ring natutunan.

Mahalaga na malaman natin kung paano maginvest lalo na habang maaga pa o habang bata pa dahil malaki ang maitutulong nito sa ating future. Hindi naman habang buhay tayong malakas at makakapagtrabaho ng katulad sa ginagawa natin sa ngayon.

Darating at darating ang araw na magkakasakit tayo, hihina tayo at tatanda tayo at kapag dumating ang mga araw na iyon ay siguradong hindi na natin kaya pang magtrabaho.

Kaya maganda na magkaroon tayo kahit na maliit na investment man lang para makatulong sa atin sa hinaharap o sa panahon ng taghirap. Darating ang araw mare-realized mo na tama pala at buti na lang ay nagawa ko na ito habang ako ay malakas at bata pa.

Sana ay mabasa ito ng mga kabataan ngayon pati na ng mga kapwa ko OFW para hindi dumating ang panahon na sa tagal natin sa pagaabroad ay wala man lang tayong naipon, naipundar o negosyo man lang na naitayo o kaya naman ay sa mga taong hirap na sa buhay dahil parang buong buhay na lang nila hanggang sa pagtanda nila ay nagpapakapagod pa rin sa pagtatrabaho.

Sa kabataan, maganda ito na maaga kayong mamulat pagdating sa financial literacy dahil hindi ito kadalasang tinuturo sa eskwelahan. Malalaman mo na lang ang kahalagahan nito kapag lumipas na ang panahon at kakaunting panahon na lang ang natitira.

Muli maraming salamat sa pagdaan dito sa aking blog site at nawa’y may napulot kayong aral o idea kahit papaano sa aking munting pagpapaliwanag tungkol sa kahalagahan kung bakit kailangan natin matutunan kung paano maginvest.

Photo: CTTO

Hunter X Hunter – Episode 8: Pasya ng Nakararami

Overview

Dito sa Episode 8 na pinamagatang Pasya ng Nakararami ay maguumpisa ang  ikatlong phase ng exam para sa mga naghahangad ng maging hunter. Sa tinatawag nilang trick tower magaganap ang pagbubok at kailangan nilang makababa sa pinakababang bahagi ng tower ng buhay sa loob ng 72 oras.

Sa pagsusubok na ito, kailangang sundin ang pasya ng nakararami para makarating sa pinakababang parte ng tore sa loob ng 72 oras at makapasa sa nasabing pagsubok. Magiging magkasama ang apat na sina Gon, Killua, Kurapika at Leorio at ang makakasama nila bilang panglima sa grupo ay si Tomba.

Sa loob ng tore ay si Ipo, ang Warden ng kulungang tore ang s’yang magsisilbing Examiner ngayon sa ikatlong pagsubok ng kanilang hunter exam. Dito rin magkakaroon ng laban sa pagitan nilang lima laban sa limang bilanggo ng toreng kulungan para makatawid at makalampas sa isang parte o palapag ng tore at magpatuloy na makaabot sa pinakababa.

Video: CTTO

Episode 8 Quote

“Isa kang walang kwentang nilalang na mas masahol pa sa basura. Wala kang ibang alam gawin kundi ang manira.” – Leorio

Lessons Learned

May kilala ba kayong taong ganito? Yung isang taong walang ibang alam gawin kundi ang manira. Ang pagkakahalintulad ni Leorio sa ganitong klaseng tao na sinabi n’yang mas masahol pa sa basura ay maaaring masasabi nating may kabuluhan.

May mga tao talaga sa ngayon ang walang ibang alam gawin kundi ang manira ng kanilang kapwa. Imbes na tulungang tumaas o bigyan ng suporta para mas lalong umangat, ang ginagawa ay sinisiraan para lang mapabagsak at hilahin pababa.

Ano kaya ang napapala nila sa paninira nilang ito at hindi man lang nila naisip kung ano ang magiging epekto nito sa taong kanilang sinisiraan. Napakasakit isipin na may mga taong ganito sa panahon ngayon. Kaya masasabi natin na ang sinabi ni Leorio kay Tomba at nagbibigay katotohanan sa mga nangyayari sa ating paligid sa ngayon.

Stock Market – Part 20: Support and Resistance

Ano ba itong support at resistance na tinatawag? Bakit ito mahalaga na malaman natin at matutunan kung paano ginagamit habang nagiinvest tayo sa stock market? Ano ba ang maitutulong nito para sa ating pagiinvest sa market na ito?

Dalawa sa pinaka-importanteng parameters o yung ginagamit para sa technical analysis ay ang support at resistance. Kumakatawan ito sa mga pangunahin o importanteng level o antas kung saan nakikita ang galaw ng isang stock sa stock market base sa kanilang supply at demand.

Sa stock market kasi o saan mang financial markets, ang mga presyo kasi ng anumang stocks ay pinatatakbo rin ng labis na supply (pagbaba) at demand (pagtaas) sa merkado. Kapag kasi tumataas ang demand at bumababa ang supply ay tumataas ang presyo at kapag tumataas naman ang supply at bumababa ang demand ay bumababa naman ang presyo na katulad din sa mga bilihin maging sa palengke man o supermarket. Ito ang magandang example ng tinatawag na “Law of Supply and Demand“.

Law of Supply and Demand

Bago nating puntahan ang support at resistance ay kailangan nating alamin ang pinakamahalagang parte ng support at resistance, ito ay ang pivot point. Ito kasi ang gagamitin natin para makuha ang support at resistance ng isang stock sa mga susunod na paliwanag sa ibaba. Pero ano nga ba itong pivot point? 

Pivot Point

Ang Pivot Point ay isang uri ng technical analysis indicator na tumutukoy sa pangkalahatang takbo o ang landas na tatahakin ng presyo ng isang stock sa stock market sa iba’t ibang timeframe. Dito kadalasan nakabase ang mga support at resistance levels ng isang stock kung saan direksyon papunta ang tatahakin n’yang landas.

Tinatawag din ito kung minsan na turning point dahil kadalasan sa puntong ito nagiiba ng direksyong tinatahak ng isang stock sa merkado. Ginagamit din ito para makuha ang iba pa o karagdagang levels na kayang abutin ng isang stock bilang kanyang susunod na support o resistance sa stock market.

Ipinapalagay na kapag ang presyo ng isang stock sa merkado ay gumagalaw sa ibabaw ng pivot point nangangahulugan ito ng isang bullish sentiment samantalang kung ang presyo naman ng isang stock sa merkado ay gumagalaw sa ilalim ng pivot point nangangahulugan ito ng kanyang bearish sentiment.

Narito ang formula o kung paano nakukuha ang pivot point na ito para maging guide ninyo o magkaroon din kayo ng idea kung paano ba ito nako-compute.

Pivot Point (PP)

               Pivot Point (PP) = (High + Low + Close) / 3

              where:

               High = highest price of the previous trading day

               Low = lowest price of the previous trading day

               Close = closing price of the previous trading day

Support

Ang tinatawag na support ay isang price level kung saan ang demand ay lumalakas daan upang pigilan nito ang patuloy na pagbaba ng presyo ng isang stock. Ipinalalagay na habang pababa at papunta ang presyo ng isang sa stock sa kanyang support level, ang mga nagiinvest o mga investors ay patuloy na bumibili at walang gaanong gustong magbenta.

Kapag dumating na sa oras na makarating na ang presyo sa kanyang support level, pinaniniwalaan na mas nagtagumpay ang demand kaysa sa supply para pigilan ang presyo nito na patuloy pang bumaba ng mas mababa pa sa kanyang support level.

Kung minsan ang support ay hindi nagagawang panghawakan ang kanyang pwesto at mabasag ang kanyang level o sa madaling salita na mas bumaba pa ang presyo ng isang stock sa kanyang support level. Nangangahulugan ito na mas nanaig ang bearish signal laban sa kanyang bullish counterpart.

Ang pagbasak ng presyo ng isang stock ng mas mababa pa sa kanyang support level ay nagpapakita ng willingness o kagustuhan ng mga investors na magbenta o kaya naman ay ang kakulangan ng mga gustong bumili. Sa ganitong paraan kapag nabasag ang unang support level, nagkakaroon ng ikalawang support level dahil nga mas bumababa ang expections at willingness o sa kagustuhan ng ibenta ang kanilang stocks kahit sa mas mababang presyo mula sa kanyang unang support level.

Dito pumapasok yung mga investors na nagka-cut ng kanilang mga losses dahil para sa kanila o dahil sa kanilang pag-aaral ay alam nilang mas bababa pa ang presyo ng isang stock. Kapag kasi nabasag na ang unang support level ay panibagong support level ang mabubuo ng mas mababa sa kanyang previous low.

Narito ang formula o kung paano nakukuha ang mga support levels na ito para maging guide ninyo o magkaroon din kayo ng idea kung paano ba ito nako-compute.

Support (S)

               First Level Support (S1) = (2 x PP) – High

               Second Level Support (S2) = PP – (High – Low)

               Third Level Support (S3) = Low – 2(High – PP)

               where:

               High = highest price of the previous trading day

               Low = lowest price of the previous trading day

               Close = closing price of the previous trading day

                PP = Pivot Point

Resistance

Ang resistance naman ay kabaligtaran lamang ng support at ito ay isang price level kung saan mas lumalakas ang pagbebenta ng mga stocks sa merkado daan upang pigilan nito ang patuloy na pagtaas ng presyo ng isang stock. Ipinalalagay na habang tumataas at papunta ang presyo ng isang sa stock sa kanyang resistance level, ang mga nagiinvest o mga investors ay patuloy na nagbebenta at walang gaanong gustong bumili.

Kapag dumating na sa oras na makarating na ang presyo sa kanyang resistance level, pinaniniwalaan na mas nagtagumpay ang supply kaysa sa demand para pigilan ang presyo nito na patuloy pang tumaas ng mas mataas pa sa kanyang resistance level.

Kung minsan ang resistance ay hindi nagagawang panghawakan ang kanyang pwesto at mabasag ang kanyang level o sa madaling salita na mas tumaas pa ang presyo ng isang stock sa kanyang resistance level. Nangangahulugan ito na mas nanaig ang bullish signal laban sa kanyang bearish counterpart.

Ang pagakyat ng presyo ng isang stock ng mas mataas pa sa kanyang resistance level ay nagpapakita ng willingness o kagustuhan ng mga investors na bumili o kaya naman ay ang kakulangan ng mga gustong magbenta. Sa ganitong paraan kapag nabasag ang unang resistance level, nagkakaroon ng ikalawang resistance level dahil nga mas tumaas ang expections at willingness o sa kagustuhan ng karamihan na bumili ng stocks kahit sa mas mataas na presyo mula sa kanyang unang resistance level.

Dito pumapasok yung mga investors na gustong kumita dahil para sa kanila o dahil sa kanilang pag-aaral ay alam nilang mas tataas pa ang presyo ng isang stock. Kapag kasi nabasag na ang unang resistance level ay panibagong resistance level ang mabubuo ng mas mataas sa kanyang previous high.

Narito ang formula o kung paano nakukuha ang mga resistance levels na ito para maging guide ninyo o magkaroon din kayo ng idea kung paano ba ito nako-compute.

Resistance (R)

               First Level Resistance (R1) = (2 x PP) – Low

               Second Level Resistance (R2) = PP + (High – Low)

               Third Level Resistance (R3) = High + 2(PP – Low)

               where:

               High = highest price of the previous trading day

               Low = lowest price of the previous trading day

               Close = closing price of the previous trading day

                 PP = Pivot Point

Ngayon tingnan natin kung saan kadalasan makikita ang mga support at resistance kapag tiningnan natin sa isang candlestick chart sa sample na ito sa ibaba. Ganito rin ang magiging sitwasyon sa karamihan ng stock sa stock market base sa paggalaw ng kanyang mga presyo.

Malinaw na makikita  sa sample chart na ang resistance levels ay pwede nating maging sell option kung saan pwede kang magbenta ng mga stocks na hawak mo dahil kadalasan ito ang sitwasyon kung saan kumita ka na. Samantalang ang support levels naman ay pwede natin maging buy option kung saan pwede kang bumili ng stocks.

Kung mapapansin mo sa simpleng support at resistance levels pa lang ay pwede ka ng kumita gamit lang ang dalawang parameters o indicators na ito para makatulong sa ‘yo habang nagiinvest ka sa stock market. Ito ang kahalagahan kung bakit kailangan nating malaman o aralin ang tungkol sa support at resistance. Marami pang variations ang pwedeng magawa sa pamamagitan ng support at resistance na ginagawa sa higher level ng technical analysis sa pagiinvest sa stock market.

Nawa’y may napulot kayong idea na pwede ninyong magamit sa inyong pagiinvest sa stock market na makakatulong sa inyo para lalo n’yo pang mapalago ang inyong mga investments sa market na ito. Ang mga paliwanag kong ito ay makikita n’yo din sa internet, mapapanood sa youtube at mababasa sa maraming libro. Ginagawa ko lang ito para sa mga taong napapadaan sa aking blog site na hindi pa alam ang tungkol sa mga ito.

Isa rin ito sa paraan ko para makatulong sa aking munting paraan para sa mga nagnanais na pasukin ang mundo ng stock market na gustong magkaroon ng karagdagang kaalaman tungkol sa pagiinvest sa stock market. Pinapaliwanag ko din sa ating sariling wika para mas malinaw at madaling maintindihan kahit ng simpleng tao na gustong pagsukin ang pagiinvest sa stock market. Gawin n’yo lang itong guide kasabay ng iba pang mga indicators at parameters para sa inyong pagiinvest sa market na ito. Muli maraming salamat sa pagdaan ninyo dito sa aking blog site.

Photos: CTTO

Malaysia Tour – Part 2: Merdeka Square

Isa pa ang Merdeka Square sa mga magagandang lugar na di mo dapat palampasin na mapuntahan kapag ikaw ay mamamasyal dito sa bansang Malaysia. Isa ito sa mga sikat na tourist destination na dinarayo ng maraming tao mapa-turista man o lokal sa bansang ito.

Late na kami nagpunta dito dahil pinahupa muna namin ang maraming taong pumapasyal sa lugar na ito para hindi masyadong crowded at makapamasyal kami ng maayos at magkaroon ng magaganda souvenir photos na di karamihan ang tao sa paligid.

Isa sa mga pinakamatandang lugar na matatagpuan sa Kuala Lumpur, Malaysia ang Merdeka Square na kilala din bilang Independence Square dahil sa lugar na ito kauna-unahang itinaas ang bandila ng Malaysia noong August 31, 1957 para sa kanilang kalayaan.

Napakaganda ng paligid ng Merdeka Square dahil anumang anggulo ay mayroong mga tourist spot na makikita sa paligid nito at dito rin sa lugar na ito ginaganap ang taunang Merdeka Parade o yung tinatawag nilang National Day Parade.

May mga designated area din para sa mga taxi at bus kung ikaw naman ay pauwi na at magaabang ng masasakyan tulad na lang nitong parte ng area na ito ng Merdeka Square.

Maraming mga historical buildings ang makikita sa palibot ng Merdeka Square na talaga namang nagpapamalas ng angking ganda sa kanilang mga architectural designs at ang karamihan sa mga ito ay naitayo pa noong mga unang panahon.

Isa na dito ang kilala at sikat na Sultan Abdul Samad Building na nasa aking likuran sa picture na ito. Isa itong late century building na nasa harap lang mismo ng Merdeka Square na ginawang bahay opisina ng mga British colonial administration. Una itong itinayo noon pang September 1894 at nakumpleto noong taong 1897.

Ipinangalan ito sa Sultan ng Selangor na si Sultan Abdul Samad na namuno noong taong 1974. Na-preserved nila ito ng maayos at makikita naman sa angking ganda nito sa kabuuan na pinatitingkad at pinaliliwanag ng kanyang mga ilaw. Ngayon nga ay ginawa na itong opisina ng kanilang Ministry of Information, Communication at Culture of Malaysia.

Sa lawak at haba ng Sultan Abdul Samad Building na humigit isang hektarya ay sakop na nito ang makabilang dulo ng dalawang malaking road intersections. Orihinal na dinisenyo ito ni A.C. Norman at kanyang assistant na si R.A.J. Bidwell at hango sa istilo na isang Classical Renaissance.

Hindi maipagkakailang isa ito sa pinaka-main attaction dito sa Merdeka Square na sa kabila ng kanyang kalumaan ay nagawa nilang ma-preserve ang kanyang disenyo at angking ganda kaya naman hindi mo talaga palalampasin na magkaroon ng picture kasama ang isa sa mga oldest building sa Malaysia.

Isa pa sa mga dahilan kung bakit magandang mapuntahan ang Merdeka Square ay dahil dito nakalagak ang Kuala Lumpur City Gallery. Katabi lang at sa kanan mismo ng Merdeka Square at sa labas lang ng Kuala Lumpur City Gallery ay makikita ang iconic structure na I ♥ KL kung saan napakaraming tao ang nagpapakuha ng kani-kanilang mga selfie pictures.

Wala ng masyadong tao ng mga oras na iyon kaya hindi masyadong crowded sa palilibot namin dito sa Merdeka Square pati na dito sa Kuala Lumpur City Gallery kaya nagagawa naming magpa-picture ng walang nagaantay sa paligid na gusto ring mapa-picture sa iconic structure na ito.

Ito ang ikalawang parte ng aming paglilibot dito sa bansang Malaysia at isa ito sa mga hindi mo dapat palampasin na mapuntahan kung ikaw ay mapupunta sa bansang ito. Abangan n’yo pa sa mga susunod na mga posts ko ang ilan pa sa mga lugar na napuntahan namin sa aming tour dito sa bansang Malaysia.

Nawa’y naibigan ninyo ang parteng ito ng aming pamamasyal at magsilbing gabay sana ito para makita ninyo base sa aming paglilibot kung anu-anong mga lugar ang magandang puntahan sa Malaysia. Muli maraming salamat sa pagdaan ninyo dito sa aking blog site.

Hunter X Hunter – Episode 7: Showdown sa Airship

Overview

Pagkatapos maipasa ang ikatlong pagsusulit ay 42 na aplikante na lang ang natira para tumuloy sa 3rd Phase ng hunter exam. Lulan ng airship ay tutungo na sila sa lugar kung saan gaganapin ang ikatlong pagsusubok.

Dito makikilang nila Gon at Kilua ng lubusan si Chairman Netero at makakalaro sa isang showdown sa loob ng airship. Makikita sa larong ito ang pagpapamalas ni Kilua ng kanyang kakaibang kakayahan na kung saan mapapahanga n’ya sina Gon at Chairman Netero.

Ibubunyag na rin ni Kilua ang kanyang totoong pagkatao kay Gon sa episode na ito bilang isang miyembro ng angkan ng mga assassins, ang Zoldyck family. Nakakatuwa ang magiging tagpo sa larong naisip ni Chairman Netero para pumatay ng oras habang sila ay naglalakbay sa himpapawid patungo sa susunod na lugar kung saan gaganapin ang ikatlong pagsubok para sa mga aplikante ng hunter exam.

Video: CTTO

Episode 7 Quote

“Sino ba naman ang may gusto na kinokontrol ang buhay mo di ba?” – Killua

Lessons Learned

Totoo nga ang sinabi ni Kilua sa episode na ito dahil mahirap talaga kapag kinokontrol ang buhay mo. Halos hindi ka makapag-desisyon para sa sarili mo o kaya naman ay hindi mo magawang patakbuhin ang buhay mo ng naaayon sa iyong kagustuhan.

Kung minsan nangyayari talaga ito sa buhay natin. May mga panahon na nakokontrol ang ating buhay maging ito man ay ng tao, lugar, pangyayari, sitwasyon o responsibilidad. Nangyari na ba sa ‘yo na kung minsan hindi ka makapagdesisyon dahil marami kang dapat na isaalang-alang maliban sa iyong sarili? Kung minsan hindi mo magawa ang isang bagay dahil may mga tao, lugar, pangyayari, sitwasyon o responsibilidad na kumokontrol sa iyo.

May iba naman na ang sarili nilang sitwasyon ang kumokontrol sa kanila. Hindi ka makapagdesisyon para sa sarili mo dahil marami kang responsibilidad na dapat isaalang-alang. May mga tao na kung minsan gusto mong gawin ang isang bagay o kaya naman ay pagdesisyunan ang isang bagay ng  magisa ka lang pero hindi mo magawa. O kaya naman ay gusto mong kontrolin ang buhay ng naaayon sa iyong kagustuhan pero hindi mo magawa. Ang hirap di ba? Yung may mga gusto kang gawin para sa sarili mo pero maraming bagay ang kumokontrol sa yo.

Truly An Amazing Filipino Talent

Have you watched the America’s Got Talent lately? One Filipino with an amazing voice and talent auditioned in one of the famous talent shows on TV today which is America’s Got Talent.

Hearing and seeing how this fellow Filipino sings in front of hundreds of audience in this talent show was so amazing and I am very proud of being a Filipino. Watch, see and hear it for yourself to find out how talented this guy from the Philippines named Marcelito Pomoy.

Video: Credit to America’s Got Talent